جيتني باشيائك العجلى تساومني على الموت
والـمصـيبة مـا لـقيـت الا سـوالـف مـستطيلة
مــقبلات ســافــرات مــسرعــات نــحو تــابـوت
مـا دريـت ان الأمـانـي لـلمـحب دايـم طـويـلة
تـحك عـن مـوبـايـلك والـرنـج واحـزان مع الكوت
وش تـفيـدك دام قـلبـك مـا عرف وصلة خليله
ضـاقـت الـدنـيا عـليـك وجـيتـني بالياس منعوت
مــا لــقيــت إلا انــتحــارك قـبح الله الـوسـيلة
دامـني حـلوة مـعك واستاهل التضحية والموت
يـا خـي خـليني بجنبك لجل سلمى والعضيلة
لـو صـحيـح الـحب غـرد فـي رياض الورد والتوت
مــا لــفت يــمك تـعابـير الـتعـاسة والـفشـيلة
طـير لـي فوق الثريا وان غطست بقاع لي فوت
طـبع فـينـي مـن يحبني م أرض منه بالقليلة
لـو تجيني مثل سهمن منطلق من عين جالوت
مـا لـه حـد إلا خـفوقـن تـحت لـضلاع الـنحيلة
ودنـي بـاشـواق يـونـس لـلدنا في باطن الحوت
ضمني واقهر عذولي وصاحبي وشيخ القبيلة
شـدنـي شـدة ضـعيـفن طـايحن بيدين طاغوت
مـارجـيت امـن الـزمـن إلا طـريـق يـودنـي له
شـد قـيدي واحـتويـني واكسر الأغلال بسكوت
خـذ شـعوري وانـدفاعي فجره واطلق سبيله
عـيش لـي يـا مـن زرعته بمهجتي لولو وياقوت
مـاتـمنـيت انـتفـارق وانـت لـي أحـلى وسيلة
