 |
قسم أوجاع عاشق
لاتأسف لي(رد على أغنية حبيبي آسف أزعجتك لخالد عبد الرحمن) |
|---|
حبيبي لا تأسف لي وشيل الشك والأوهام
أنا مثلك شخص عاشق أدور حب يحييني
قبل لا تتصل فيني أنا كلي ورود خزام
أقطّف ورقها واقول يحبني لا مجافيني
شردت بفكري للماضي أقلب صفحة الأيام
على آخر ورقة يا روحي تجيني متصل فيني
ونا اسمع صدى صوتك وعزفك باعذب الأنغام
تجلى حبك الرائع وصار الهم ينعيني
هلا بك يا سمير الروح عدد ما دقت الأرقام
هلا بك عد طيور الدوح وكل ما شافته عيني
أحبك يا بعد روحي يا صفوة جملة الأحلام
يا بلسم غابر جروحي وأحلى من يداويني
يا حضنن في الشتا دافي ونورن يرشد الأقدام
يا قطعة ثلج في صيفي وشربة ماي ترويني
يا أجمل ما خلق ربي ملاكن بين هالأقوام
يا بدرن ضاوين ليلي رجيتك لا تخليني
أحبك واشكر حظوظي وعاتب سالف الأيام
وقول للدنيا ياليتك بصغري به جمعتيني
أحبك واقهر العالم وعذالي وكل لوام
وأهلي لو يلوموني وشخصن مو على ديني
ولو قالوا دروبك نار جريمة واكبر الآثام
اقول الجنة من بعدك أبد ما بيها تاويني
|
|
|
| | |
