 |
قسم أوجاع عاشق
معكوسة الأماكن(رد على اغنية الأماكن) |
|---|
المشاعر كلها ترفض مجيك
والعيون اللي بكت يوم بغيابك
والشفاه اللي شربت كذبة سرابك
والوريد اللي امتلى بزحمة عذابك
ما هو بس آنا رفضتك
المشاعر كلها ترفض مجيك
كل شي حولي يذكرني بخداعك
رزمة اوراقي وقلمي وباقي حاجاتي ومتاعك
والسوالف والحكايا ودمعة مسفوحة بوداعك
والثواني اللي انقضت يوم بسماعك
ماهو بس آنا رفضتك
المشاعر والأماكن... واللي يجري واللي ساكن
كل شي يرفض مجيك
ياني متأسف على ماضي الدموع
ياني متأسف على لحظة خضوع
ماني راجع .... يكفي منك هالجراح
ماني سامع ...... لوغدا صوتك نواح
كيف ارجع ..... والوجع صار الأمان
كيف اسمع ..... والحزن مالي المكان
انت تعرف ولا تجهل
الهوى سديت بابه
وان نويت القلب تسال
هيه مني لك اجابة
ماهو بس آنا رفضتك
المشاعر كلها ترفض مجيك
ياللي سميتك حبيبي والمحب
ياللي صنتك تحت شعرات الهدب
المآسي علمتني اتركك ويا المهب
علمتني أهجرك
علمتني اغدرك
علمتني لو طرى طيفك عليه انكرك
يصرخ احساسي ويقول
ماني ساقي وردتن تهوى الذبول
هيه كلمه وفيها راحه
خذها مني بكل صراحه
ماهو بس آنا رفضتك
المشاعر كلها ترفض مجيك
من كثر ما نا ارفضك ارتجي
تخلص ايامي وخلّص هالحجي
ياتعب قلبي ونا اشوفك امامي
تكثر الآهات وتصير هالدنيا ظلامي
يا حبيبي والصديق..... ماني قادر اخدعك
شوف لك غيري طريق ......... ماني باللي ينفعك
شيل عنك هالذهول
ان قصر عمري اقول
او طول عمري اقول
ماهو بس آنا رفضتك
المشاعر كلها ترفض مجيك
|
|
|
| | |
