سعيدة يا زمن يمضي بسيوف تفرّق الأصحاب
سنيننِ ما قصدناها وتمرغنا عشق فيها
سعيدة للصفوف اللي نفضنا بحضنها أهداب
تثاقل جفنها عند المسا وساعة نلاقيها
سعيدة يا ممراتي كثر رسم الضحى باعقاب
كثر ما شردت أفكاري ونا حاول ألم فيها
سعيدة شرشفي المنهك من طعون الأسى الوثاب
من صروح الضحك والغشمرة وحماقتي فيها
سعيدة للنخيل الواقفات الحاضنات سحاب
سعيدة للورود اللي بلا ميعاد نلفيها
سعيدة يا قلم أزرق وفكرة ما رضت تنجاب
وحسرات انهكت ضلعي ودمعة حرت أداريها
سعيدة يا عطر يبكي دواليب الغرف والباب
ودشداشة تبي تودع من الغرفة مراسيها
سعيدة يا تجمعنا تحت ضو القمر اسراب
حكاوي ياما قلناها وغطسنا في مآسيها
نفضنا حرقة الدنيا سكبنا م السرور أكواب
سقينا قلوبنا كنا لأول مره نسقيها
نفتت كسرة الغربة ونلبس للزمان أثواب
تطرزها صداقتنا صفاء النية نكسيها
ونرحل في رحاب الجد وصرنا للصعاب ذياب
ندوس أقساها وأعتاها بطبع عمان نطويها
سعيدة كل شي فيني ينادي ذكريات أحباب
تجرح صفحة خدودي إذا ما مر طاريها
سعيدة جامعة حلمي من المدخل إلى الآداب
كثر حيرة اسامينا على اوراق انرمت فيها
أنا اللي جيتلك أجرد لعشقك ما حسبت حساب
عشقتك يا تعب روحي على الفرقى وبلاويها
عشقتك من دعا أمي ورجاها الخالق الوهاب
عشقتك من أبي حاير يودعني وينسّيها
أنا هاليوم في دنيا مع الفرحة دمع سكاب
أنا هاليوم لي كلمة بكل احساس بلقيها
يايمه جلجلي صهلة بغادر ثكنة الآداب
ويا عيني اسكبي حسرة بودع صاحبي فيها
|
