 |
قسم أوجاع عاشق
ما هو غرور |
|---|
لو رسمت الشوق لعيونك دهور
ما يخلص لو خلص عمري وبار
تدري حبك في الحشا شيد قصور
شامخاتن ما لها حدود ومسار
لك محبة راسخة نبت وجذور
والوله من زود ما فيني استجار
لو بودك تجرح عروقي وتجور
آنا راضي بس خلك في المدار
الرياح اللي عصفت قلبي الصبور
وانزعت اوراق حبي بالنهار
حالفن استبدل اوراقي زهور
بس عاد اصبر حبيبي لا تغار
لنه زهري ما مثل عطره عطور
يسلب الخفاق في وضح النهار
ما هو تهديد ولا تحسب غرور
غير بعدك سوى في فكري حوار
لاني عارف في الفلك بدرك يدور
ولا كوكب عذلي اصبح ستار
لاني عارف هالربيع اورق زهور
ولاّ صيفك صار لي حمن ونار
قلت ادور مثل ما قلبك يدور
يمكن القى بعض بسمه واقتدار
|
|
|
| | |
