 |
قسم أوجاع عاشق
هيوالله ( وطنية ) |
|---|
عروس البحر بتنادي قريض الشعر ذا وينه
صرخت وقلت لبيكي أنا جيتك وهيوالله
بأي عنوان تبيه يبدا ترى كلك عناوينه
يشمر ساعده يشحذ لسانه يقول هيوالله
بعرض ترابك وطوله بمساحاته وميادينه
يجول الشعر مداحن تبين الزود هيوالله
أحبك موت يا بلادي وحبك تاج يازينه
يشع بنوره في جبيني وهامة راسي هيوالله
أحبك حب مو عادي ومو عادي تساوينه
لأنك فوق أحاسيسي وقدرك عالي هيوالله
وترى حبك شمخ عالي وتنوع في بساتينه
يبين للملا خيرك وخيرك عم هيوالله
فداك اللي ملك اهلي فداك العمر وسنينه
وذا منك بغيت الروح تقول الروح هيوالله
أعزك وارتقي بعزك فضاء الشعر وشجونه
وخلي كل نجوم الكون تصيح بعزه هيوالله
غلاك شعور يحملني باطيافه وتلاوينه
لدنيا ما لها آخر ولا تحديد هيوالله
انا يا عمان في عيدك عريس وقومي زفينه
وخلي كل ما حولي يغني يقول هيوالله
ونا وشعبك نبي ننشد نغم دايم تحبينه
نشيدن للوطن كلنا نقوله الحين هيوالله
|
|
|
| | |
