 |
قسم أوجاع عاشق
معايدة |
|---|
أنا لا جيتك مهني حبيبيِ بالفرح والعيد
لقيت النفس مجبورة تهني العيد بوجودك
لغات الكون ما تكفي لجل تلفظ عبارة عيد
قواميس التهاني تذوب وتفنى دوم ف حدودك
رجيت الله من قلبي يمدك بالعمر ويزيد
حلاة العيد يتنفس شذى يسري من ورودك
حلفت إني إذا ربي كرمني بالمديح قصيد
لخلي كل تهاني العيد نغم يعزف على عودك
وكل عامن يجي أحلى وعيدك ع الدوام سعيد
تظل الفرحة في دارك تعانق خيرك وجودك
|
|
|
| | |
