 |
قسم أوجاع عاشق
حبايبنا يزعلونا |
|---|
حبايبنا يزعلونا يبيعونا ويشرونا
يودونا ويجيبونا ويرمونا بلا عنوان
قسيتوا وما هي عادتكم رضينا وقلنا رادتكم
أمانه ويش فادتكم تخلوني كذا حيران
فديتك يا أمل مذبوح بقلب بالجفا مجروح
على كثر الأسى والنوح لحبك دوم أنا ولهان
دخيلك كان لي زلات كفاية منك الآهات
وسامحني على ما فات قبل لا تنضب الشطآن
تقول إني أنا طيفك وحضني في الشتا صيفك
تجي تنسى على كيفك وتصبحني على الحرمان
غريبة منك القسوة تعاتبني على الهفوة
حبيبي لا لا مو هوه أكيد مغيره إنسان
تهنى كان حب جديد ترى فرحك علينا عيد
ونا ببعد بكل تأكيد ما دام انك صرت هيمان
وصدق مهما صار وكان بقلبي إنت أعز إنسان
صحيح إني بلا أحضان لكنه يعوض الرحمن
دقيقة واسمحوا فيها ونا العبرات أخفيها
دروبي لا تجافيها أقلها خلنا إخوان
|
|
|
| | |
