 |
قسم أوجاع عاشق
قدرك فهد |
|---|
ابكي من الصدمات والهم دايم
حتى تعودت الشقا والمعاناة
م مسوي شين بس طريق حمايم
أمسك بوحدة غير تفلت حمامات
لا جيت افرح بالهنا والنعايم
ادخل بدنيا منبتة بالمتاهات
ولا شفت مرة في السما نور هايم
يا دوب لحظة ينحشر بانخسافات
الحظ جالب من سواده عمايم
ينذر بتخريب البنى والمساحات
ونا لوحدي لا دروع وقوايم
قلبي سلاحي والنوايا النبيلات
كن الهنا عن مهجتي دوم صايم
حالف مايفطر الا بعد الخسارات
تفجعني وقتي في عزيز الندايم
اللي غرس في القلب قبلة وميقات
واللي بطيبه ناديات النسايم
ترسي بورد وتنتشي بالفراشات
واللي حديثه م انبرى ليه قايم
يسقي لسانه سيدي ونور آيات
يفداك راسي يا فهد والذمايم
والروح فدوى لو بيدي الخيارات
هي حكمة المولى من عهود القدايم
الموت حقن ع الفرد والجماعات
غير اني ارجو من سميع الظلايم
يبدل فهيدي في القبر روض جنات
قصيت حالي يا فهد م القمايم
وانكست راسي بالدموع العزيزات
هذي حياتي والقدر فيها حايم
لا عندي حيلة للقدر واعتراضات
قدرك فهد تصفق بيدك صرايم
قدري اذكرك في الحزن والمسرات
قاسي بمكرك يا قدر والقسايم
تختار من عقد الهنا طيب حبات
ما يفيد لومك يا قدر في السقايم
شي انكتب من فوق عالي السماوات
وانا اشهد انك ما خشيت اللوايم
ونا اشهد انك ما خطيت الفجاءات
|
|
|
| | |
