 |
قسم أوجاع عاشق
اعصار جونو |
|---|
م حدّن كان متوقع تطيح ابمسقط الهوله
وتتقطع اراضيها ومبانيها وشوارعها
وتصبح في ظرف ساعة مدن اشباح مشلولة
لحد ما جيت يا جونو وطلبت انك تصارعها
وقلنا نشوف هالجونو وكيف الشر يحلو له
يهاجم هالجمال اللي يزين كل مرابعها
بقواته بدا يهجم بريحه وموجه وسيوله
وقال اني انا المارد عهد مني لضيعها
ابرسل في البحر موجي يهد الشاطي بطوله
يذل صياد ما يوني وكل سفنه يطبعها
على الأشجار ياريحي ابيك تكوني مسئووله
وعصفي بالقميم اللي سنا النجمات قارعها
وخليها بلا اغصان تساوي الأرض مذلوله
وهالفلاح يتنكد ويبكي في مواقعها
حلو الأسلاك مقطوعة حلو البلدان معزوله
حلو اني اشوف الموت بلا رحمة ينازعها
ألا يا سيل داهمها بخطر وديان مجدوله
تهدم كل شي فيها مساكنها ومزارعها
تخلي هالبلد عطشى بلا شربات منهوله
وسكانه بلا حيله يشوف الذل واقعها
انا جونو انا الحسرة انا الارهاب بذيوله
يا ويله من وقع بيدي لفرمه في اصابعها
ونا عمان الأبية دوم م هاب الضيم وحجوله
لدي ايمان بالمولى ثقة دايم م زعزعها
انا مذ دعوة الهادي على الخيرات مجبوله
تمر المشكلة وتروح بكل طيبة اودعها
وتبقى هالأرض حرة بروح الشعب موصوله
ونور القائد الملهم دروب الخير شعشعها
انا عمري ابد م ابكي على املاك مبدوله
انا ابكي بصدق روحن بلا ذنبن نودعها
ولحظه من عمر ابني قضاها بخوف موجوله
ودمعة عين حيرانه بعزة نفس دافعها
|
|
|
| | |
