أنا لا جيت ابي حبك تكتفني معاناتك
وذا حنيت لعناقك تقول ابعد جراحاتك
تعبت أشكي وتعبت أبكي وتعبت أرغب ملاقاتك
دخيلك رق لي شويه وحدد لي اتجاهاتك
علامك كلما أضوي تهاجمني مساءاتك
يضيعني دجى ليلك واتوه استرجي خطواتك
انا ما كنت اشتاقك ولا مفتون بشراتك
لكنه اللي هلك قلبي ثمالة عشقه لذاتك
عصرت افراح هالدنيا على رجوى ابتساماتك
حسافة يا بعد عمري لقيت الصمت بشفاتك
ونا حيران من صمتك انا ابغي اعترافاتك
تبيني ولا زاهدني طريقك ولا عثراتك
لأي دروب واخذني انا جاهل مساراتك
اذا حبيتني اشحني وفجرني بمساحاتك
وذا مشتاقلي ازرعني فراشة في فضاءاتك
انا ابغيك تولعبي وتغرسني بجناحاتك
تطوف بحبنا الدنيا وتنثرني بسماواتك
وتحملني ف رعد غيمة وتغسلني بقطراتك
تعال اشفيك قاطعني ترى ناسيها غلطاتك
تعال اجرحني زلزلني وخبرني بحكاياتك
كبيرة فيك احلامي وابعد من نهاياتك
حبيبي للأسف تذبل تلاشت خلف آهاتك
أخيرا قررت ارحل ونا ناظر قراراتك
سمعت الناس بيقولوا مثل يضرب ع حالاتك
كثير الدوس ع الأحباب يملوا حتى طلاتك
|
