 |
قسم أوجاع عاشق
مشاوير |
|---|
يِا طول ليلي والحبايب بعيدة
ماني بشايف غير ظلمة ودياجير
يا طول حلمي والأماني بعيدة
يا دنيتي بسك رحيل ومشاوير
افرح ونا ادري في طريقي مكيده
تزرع مساحاتي حروق ومجامير
ما للعواطف والمحبة طريدة
كنه العواطف منبته بالأعاصير
وكنه المحبة في قصورن عتيدة
متوارية خلف العنا والمحاذير
من حاول انه يرتجيها قصيدة
يلقى المتاهة في قصيده طوابير
الموج حولي والسواحل جريده
والمشي فيها يحتفل بالمسامير
والكوس ينزع م البقايا نهيده
يغرس شقايه جنب طيب الأزاهير
حيرتني وياك يا حظ اريده
يصفى لي مره بالهنا والتباشير
م يصير دايم تبتليني بمكيده
ما فيه غيري تبتليه التقادير
المشكلة عندي الخساير عديده
ونا ارفض اني اندمج بالمخاسير
لذا بقاوم لوجروحي صديده
باخذ لقاحي لو بقاع القوارير
ون كان قدري هو خلاصي بييده
لا والله برحل واعتبرها مشاوير
|
|
|
| | |
