 |
قسم أوجاع عاشق
باهي الخدين |
|---|
يا باهي الخدين ارميتني بسهمين
من غيرك يداوي جرح الجفا والصد
حزتي جمال الكون والله يكون في العون
لو جيت اعد الزين أغلط وأعيد في العد
مثل الشهد وأحلى مثل القمر وأعلى
لو طل في غرته الشمس تقول أبعد
يا ماخذ النظرات هلت لك العبرات
ارحم عزيز غالي يطلب غزير الود
قالوا تراه غدار تلعب به الأفكار
قال القلب مرتاح عنده الجحيم ابرد
منه الزهور تغار وخل العذول يحتار
والنور في عينه بيّن جمال الخد
ليته يقول عذره ويكشف لنا سره
يا مطول الغيبات يالله تعال ورد
مالي سواه غالي والمر معاه حالي
ان غاب عن عيني يومي تراه اسود
|
|
|
| | |
