 |
قسم أوجاع عاشق
يتيمة |
|---|
سموحة للي يحضرني ويسمع قصتي بعجاب
أنا يتيمة تراشاها الزمان اللي فقد معناه
أنا من ضاقت الدنيا عليه وسكرت لبواب
ونا من عانق الظلمة ولا قادر يقول اماه
ونا من عايش الغصة ودمعه ع الفرش سكاب
ألم ينهش حنايا الجوف من اقصاه الين اقصاه
انا من يشتهي امه غريب لوجهها طلاب
تكسر خاطري ياما ونا اشوفه يموت حداه
انا اللي ما عرفت امي يقولوا عانقت لتراب
وقالوا اني اشبهها ومن يومي على المرآه
اطالع صورتي وضحك وناديك بطبع غلاب
يا يمه هاتي لي يدك ترى شوقي صعب انساه
وكم مرة على قبرك اصيح بلهفتي عتاب
كسرت بخاطري يمه صدى صوتي محد لباه
متى تصحين يا يمه انا ليه شكل جذاب
أمشط شعري بروحي ويعجبني حمر لشفاه
دخلت المدرسة لكن ضعيفة ف مسألة لحساب
انا ما حد يذاكر لي لكني قلت بتحداه
يمر الليل ونا ودي بحكايا تنعس الأهداب
وصابع تسرح بشعري تهدهد خاطري وترعاه
وبي حضنك يدفيني ينسيني وجع لصحاب
وبي ضحكك وبي جدك وبي تعصيبتك وياه
وحيدة بين هالخمسه عمر واروى وندى وخطاب
لهم امهم تدللهم وهم الغيرة انا اصلاه
نبشتك يالحنين اللي تكاثر داخلي اسراب
تلعثم داخل لساني طلع ماسك بكلمة آه
دخيل الله تخبوها امامي في حكي وخطاب
اخاف اني ونا اسمع اصيح بحسرتي ويلاه
خفافيش الأسى تعزف بدنيا مابها كتاب
تذكرني بحزن يقلب ترانيم الفرح مأساه
انا حرمه غصب يمه كبرت وزارني الخطاب
اوافق ولا ما اوافق امر لازم علي ارضاه
واشوفه كلما قرب يلبسني حلو اثواب
وهي اشواك تحضني لكنها تخرس الافواه
انا يتيمه ومن ينصف يتيمة ف حفلة الأغراب
لصرت غايبة عني ونصيح الشور ما القاه
بعد باكر يزفوني يا ليتك بس حلم كذاب
يودعني بدمع صادق لواقع جاهله مرساه
انا يا يمه فرحانه تعالي واتركي الأكواب
وهاتي من مباخيري لحن شاقني مغناه
وخلي كل من حولي لاجلي صايح ويباب
وخليني بلا وعين اشير بيدي هذي اماه
|
|
|
| | |
