جــلســت بْداخــل عْيــونــك لـيالـي والـبرد قـتال
حضنت الرمْش بحْضاني ونمت أنا على أحضانك
.
لـحافـي جـفونـك الـحلـوه وزادي دمـعك الـهمال
يـطفّي الـضيـم فـي صـدري إذا جـرحتني أحزانك
.
حـبيـبي كـيف أنـا بـنْسى ودمـعي كـل يـوم بحال
تـصور حـالـتي بـعدك وأنـا فـي شـوق إحـسانـك
.
إذا كـل الـبشـر تـخطـي وأنـا مـنهـم فهال منوال
حـرام تـسامـح أخـطائي وتـعطـف لـي بـغفـرانـك
.
عـشقـت الـليـل مـن قـبلك وأنا عشت ألليال أليال
مـع الـذكـرى مـع جـروحـي مع اللي تاه بأوطانك
.
وطـالـت رحْلـتي مـعهـا وبـعْدك مـثْلـها لـي طـال
أصـارع مـوجـها الـعاتـي وصـارع بعدها أعوانك
.
تـخيـل كـم لـي ذكـرى وكـم مـن جـرح بي يختال
وكـم مـن صـاحـب سـافـر قـبل مـا ذوق هجرانك
.
يـقولـوا الـذي يـتعـب يـعيـش بـهيئتـه " تـمثـال
وأنـا تـمثـال مـن صـغري ولـنت بـليـن عـرفـانـك
.
إلى يـومٍ رحـل نـبضـك لـيبـقى الـشكـل بـالغربال
جــسد هـامـد وقـف قـلبـه حـيا لـشاف شـيطـانـك
.
أنـا الـعايـش فـي هـالـصوره قوي بوقفتي رجال
أشــيل الـهم فـي قـلب بـكى فـي ضـيق نـسيـانـك
.
يــشيــلونـه كـفن اسـود ذنـوبـه والـقهـر أبـطال
يــزفــونــه الى قــبٍرٍ تــرابــه أرمــوش أجـفانـك
.
عجزت امنعهم بأيدي وأنا عارف رجوعي محال
ولــكن دمــعتــن طــاحـت تـبي تـوقـف بـنيـرانـك
. .
تــجرب فـزعـتن فـيهـا تـحول هـالـبعـاد أوصـال
وتـصلـح مـا بـقى مـن حـب بـنيـته فـوق بـنيـانك
.
حـسافـه تـلتـفت دمـعه وتـلقى هـالـكفـوف أبخال
واهـديـها بـكذب واضـح وهـين الـقلب من شانك
. .
وقـول: الـصاحـب أمسافر دمعوي وسعي هالبال
وكــل غــايــب ولــه عــذره لأنـه دايـمن صـانـك
.
وتـطول رحـلتـك عـني ودمعي في خدودي سال
واهــديــه بــنفــس الــشي وأمــنيـها بـوجـدانـك
.
ولــكن دمــعتــي مــلت عــذر واحـد كـذا إشـكال
أخـاف أغـلط وقـول الـصدق وأمـرهـم بـعصيانك
.
لأنــــي يـــائسٍ مـــنك لـــيالـــي والـــبرد قـــتال
اعــيش بــهيئتـي تـمثـال يـحلـم دفـوة احـضانـك
.
لانــه مــن قــديــم الــوقـت زاده دمـعك الـهمـال
تـشيـله قـسوة اكـفوفـه ومـتنـه يـحمـل احـزانـك
.
يـقولـوا:" هـالـولد خانك ودمعك كل يوم بحال"
ودمـعي عـندهم يشكوى, وانا في شوق احسانك
.
واقـول:" الـبارحة شـفتـه فحلمي لدّ لي بإقبال"
وهـو لا مـر, ولا شـفتـه , ولـكن "عذر فقدانك"
