زحمة مشاوير
وانـا لو أنفض الحاجة رصيدي صاحبٍ كذاب
سـرق كـل الأمـانـي مـن فـمي وانحاش فاللمّه
طـمع فـي شـنطةٍ سـودا بـها لي قطعتين ثياب
وجــرّح ووردةٍ بــيضــا وســجائِر كـلهـا رمّه
وشــعرٍ دايـمٍ عـفتـه وذكـرى خـطبةٍ وخـطاب
يــنص انــه أنــا مـجرم وعـاشـق حـللـوا دمّه
وجـرمـه مـن كـثر حـبه وصل بمْحبّته ارهاب
وانـا الأرهـاب فـي طـبعـي طـبيـعه مالها ذمّه
أحـب الـشي لـي وحـدي أنـاني انفرد وانساب
وهــذا الـلي جـعل حـبي تـموت لْخـاطـره أمّه
ولـكن هـذا مـا يـمنـع اخـالـف مـبدا الإعـراب
إذا كـان الـفعـل مـذنـب بـريّ لا تلبسه التهمه
بـسافـر والـذي يـزعـل يـسوّي داخله اضراب
أنــا مــتْبــرّيٍ مــنه مـدامـه حـطّنـي خـصمـه
وانـا مـليـت مـن صـبرٍ رسم أن الفرج له باب
وانـا مـليـت مـن عـالم يجون بضربة الجزمه
وانـا خـليـت فـي قـلبـي حـبيـبه وانبنا أعجاب
وهـدمة كـل أحلامـي وغـابـت عـنهـا الرحمه
وفـصخت منها الخاتم وكتبت لي بدون أعتاب
أنــا بــدّلْتـك بْواحـد يـصون الـوعـد والـكلـمه
وشـقت دمـعتـي خـدي وحـظي كـزّني بحْراب
يـا حـظٍّ عـايـشٍ خـارج اطـار الجمع والقسمه
تراها نامت البارح وجاء في عرسها الاحباب
تــراهــا حـبتـه مـثلـي وخـافـت انـها تـضمـه
تـراهـا جمعت شعري وحرقت كلّ شي جذّاب
تـراهـا بـعْدهـا تـنسى تـقول الـحاءَ فـي أسمه
ومـع هـذا حـمد الله تـكونـي لـي شـعر وكـتاب
واكـون الـمجـرم الـهارب الى ما ينجلي ظلمه
وأنـا مـريـت يا جرحي عليك البارحه بحجاب
أنـاظـر مـن بـقى يـمسـح دمـوع الليل بالعتمه
لــقيــتك للأسـف وحـدك بـكمِّك كـلّ شـيٍ ذاب
وحـلمـك كـلمـا يـوقـع عـيونـك تـركـض تلمه
عـرفـتك بـسّ ما شفتك وشفتك فالمدى أسراب
تـحاول تـجمـع اشـتات الامـل لـتْعـانـق الـقمه
وجـيتـك فـي يـدي شنطه بها لي قطعتين ثياب
وجــرح ووردةٍ بــيضــا وسـجائِر كـلهـا رمـه
مـسافـر والزمن عكسي وجنبي صاحبٍ كذاب
وأنـا ادريـبه بـيسـرقـني ويـجري داخـل اللمّه
ولــكن دامــني رايــح وهـمّي يـعرفـه الـبواب
ابجلس وانتظر دوري الى ما تخلص الزحمه
