 |
قسم شعبي متنوع
" القبلة الاخيرة " |
|---|
لحظة من فضلك حياتي
قبل تنفيذ الحكم
قبل شمس الحب تغرب
باقي لي رغبة ومطلب
مكنيني من جبينك
أطبع القبلة الأخيرة
وأترك أنفاسي تزمجر
في صحاري مسمعك
ودي أتوضأ بدموعك
وأرتوي منها طهارة
وأسبح ف نهر التسامح
واغتسل سبعين مرة
ودي آرتل شجوني
واطلب الغفران منك
واعلن التوبة واصلي
في محاريب العيون
*
*
*
أدري زعلانه عليه
وأدري أني كنت مخطي
وأن أعذاري سخيفة
وأستحق اللي جرالي
لكن اللي ما عرفته
قسوتك من وين جاتك
هي دخيلة في حياتك
والا هي من أصل ذاتك
من بداية ما عرفتك
وانتِ لي صدرٍ حنون
حتى في وقت التخاصم
كنتِ أروع ما يكون
المهم وفي النهاية
قبل شمس الحب تغرب
لك تحياتي وحبي واحترامي
للأبـــــــــــــــــــــــــــــد
ولي أنا الهم الملازم والندم
والذكريــــــــــــــــــات
|
|
|
| | |
