مـحتـاج لـك يـا فـاتـنه صـدر وعـيون وحـنجـرة
مـحتـاج لـك طوق وحضن وجناح دافي يلفني
مــحتـاج لـك يـاهـاجـسي ضـم وعـناق وبـعثـره
رغـبه اسـكنـت فـي خاطري منك إليك تقودني
رغــبه يــبللها الأمــل وســط الـحنـايـا الـمقـفره
رجفة عطش في خافقي صوب الغدير تشدني
تــعال يــا كــل الــمنى مــثل الــطيـوف الـزايـره
تـعال يـا حـلم الـمسـا طـف الـسراج وضـمني
وامـسح عـن جبيني العرق ما عاد عندي مقدره
لـحظة جـنون وتـنتـهي فـي كـل مره تصيبني
لا تـندهـش مـن جـرأتـي بـعض الامـانـي سافره
وإلــلي دخـل كـهف الـهوى لابـد إنـه يـنحـني
يـا (جـارة الـوادي ) أبـي ريـشة حمام و محبره
بـكتـب عـلى جـذوع الشجر قصة غرامٍ هدّني
وأصوغ لك من مهجتي قصة وقصيدة وخاطره
وأحـطهـا فـي مـعصـمك ترقص معاك وتنثني
يـــا أول جـــروح الــهوى والــتالــيه والآخــره
يـا سـاكـنه فـي داخـلي وانـتي أساسا مسكني
مـحتـاج لـك يـا صـامـته همس وصراخ وثرثره
مـحتـاج لـك مـحتـاج لـك صـدر حـنون يـلمني
