معزتك باقيه والشوق جنني ..
ولليوم نبضي يوقف لاالحكي جابك

لليوم دمعي يخون بي ويخذلني..
ولليوم في ضيقتي معرف سوا بابك

لليوم احسك معي،أخطي وتعلمني ..
ولليوم انام ويديني حاضنه كتابك

ابسط كلام اسمعه بحكيك يذكرني ..
وكل شي فيني اكتسبته منك،باسبابك

ايماني بأن الصعوبه ما توقفني ..
,واني قهرت الصعب،واني من صعابك

ورايي بأن الشعر شي" يكملني ..
حلمي بهذي الحياة, وفاك لاصحابك

كني انا انته ، كأن العشق يسرقني ..
ويزرع بنفسي تفاصيلك وأحيا بك

اشتقت لك كثر ما هالضعف يهزمني ..
كثر الهوى اللي كسر قلبي ولا صابك

كثر القلوب اللي تمنت يوم تسكني ..
وتحمي قليبي من الموته على ترابك

كثر الياس لا غزا قلبي وحطمني ..
او كثر ما تجرح ولا اقوى على عتابك

كثر الوفا اللي انولد فيني وأحرجني..
لا لامو احساس قلبي اللي تعنى بك

شقاوتك,ضحكتك,كل شي واحشني..
طيبك,غرورك,دفاك وحرقة اعصابك

كل شي تغير وانا عييت اغيرني ..
تقول كن الفرح مقرون باهدابك

عود ياغالي معاد الصبر يسعفني..
ماعدت قادر اعيش العمر بغيابك