ضيــــــــــــــــــــــق ..!!
حد الصمت او يمكن الى حد الزعيق ..!!
يمتليني لين ألمس وحدتي وسط الطريق ..
لا حروف ولا اماني ، ولا معي حتى صديق ..
اشعل شموعي بنفسي ،
وارتمي بحضني وانسّي ،
وامسح دموعي واقسّي ،
قلبي المُشعل حريق .. !!
واحتقرني عـ انتهائه /
واشعر بذل ودنائه /
ليه ضيّعته امامي .. ؟!!
حلمي الوردي /
سنيني واهتمامي ..
والله ضامي ،
للهوى , واشواق قلبي , ولـ كلامي ..
ضامي لشعري اذا جن الهوى ،
لعينيه ضامي ..!!
وآتذكر لانظرني كيف اخبي دقة قليبي وأغتر ..!!
وكيف اضمّه في خفوقي لا يشوفونه ويُكسر ،
عشقي العذري لقلبه ولعيونه ،
لين احس العشق يكبر ..
والوله بالقلب يزهر ..
واعشق شعوري عشانه ،
والله أعشق نفسي اكثر ..!!
واسأل احساسي .. دخيلك ، ماوحشته ؟!!
مافقدني مثل ماكلي فقدته .. ؟؟!!
ماوحشته حيل واكثر /
يمكن من الشوق اكثر .. ؟؟!!
طيب اسهل ،
ماوحشته بيوم وامطر ،
دمع عينه في غيابي .. ؟!!
مافقدني في ليالي غيبته
مره / ومن ضيقَته كبّر ..
الله اكبر /
الله اكبر /
كيف يقدر ، وانا من دونه شعرت الموت ياصلني يسلم وايتعذ ّر ..
وايحلف لي ، بيوم راجع ..
بس ما هو لي مقدّر .. !!
وآآه لو انّه مقدّر ..
ارحم من البعد بـ اكثر .. ..
يامعين / ارحم قليبي ، تعبت من الأنين
يامعين / اغفر ذنوبي قبل موتي يحين
يامعين يامعين يامعين
تب عليّه يا اله العالمين .. !!
لازم ارحل /
قبل ماعيني تموتني حنين
لازم ارحل /
قبل ما قلبي تجرّحه السنين
قبل مايبرد شعوري ..
واكرهه واتركه مهمل ..
قبل احس الشعر يمضي
وفي خفوقي بيوم يذبل ..
لازم انسى الجرح وارحل /
لازم اهمومي تبدل /
لازم ارمي الحب واكمل ..
غصب عني ،
لانكـ اكبر من شعور
حرّك الخافق ومال ..
لانك اكبر /
حتى من هالحب اكبر ..
لازم ارحل ..!!