يــعذبــني الـشعـر بـعده،واحـن لـشوفـته وانـهار

والا قـينـي غـصب عني،رسمت بناظري عيونه

وتــذكــرتــه،بــصدّاتــه/بــفزعـاتـه وحـنّا صـغار

مـواسـاتـه وتـجريـحه/رجـاحة عـقلـه وجـنونه

ف ضـحكـاتـه ف لـوعاته ف بسماته عشان آغار

وكـلمـاتـه واحـاسـيسـه/جـروح ٍ فـيه مـدفـونـه

الــين آحــس بـالـذكـرى خـذتـني لـين ذيـك الـدار

انـا ودمـعي وأشـعاري/وطـاري الـحب وطعونه

وصوت ٍ هدّ لي حيلي’خلاص انسي،مدامه اختار

مـدامـه لاقـي الـراحه،اذا انتي بعيد عن كونه ’

وحـتى الـدمـع يـخذلـني،ويـنسـج لـلرحـيل اعذار

والـملـمنـي واواسـينـي،واقـوّي القلب وآصونه

اصــون الـوعـد وعـهودي،واداري بـاقـي الآثـار

مـن احلامـي/طـموحـاتـي/امـاني القلب وظنونه

عــلى وعــدي انــا بــاقــي،واقـدّم لـلملا..{إقـرار

ابـنسى الـحب واحـساسـه/مـعانـاته مع شجونه

كـثر مـا الـحزن يـهزمـني،كـثر مـاتـهدّنـي الأفكار

كـثر مـا الـعشـق جـرحـني،وكثر ماهمت بفنونه

كـثر مـايـصدنـي ويـرجـع،واهـدّيـني وارد احـتار

بـكمـل عـيشـتي وحـدي وابـتحـرر مـن سجونه

كـثر مـا الـجرح عـذبـني،كـثر مـافخاطري اصرار

اشيله بصدق من قلبي،واعيش العمر من دونه

وأنـهي عـشقـي بـنفـسي،وراضـي بحكمة الأقدار

ويـاقـلبـه عـلى طـردك,تـرانـي الـيوم مـمنـونـه