المرود المجروب
أنــا لــك رقــعة الــثوب الــقديــم وخــرقة الأكـفان
لــك الله..والــسمــا بــاب الــجراح وخــيمة الـمصـلوب
تــعلــقتــك وأنــا بــحر الــكفــاح وقــشة الــغرقـان
وتــفارقــنا وأنــا ذنــب الأنــا الــهارب..أنــا الــمطـلوب
مــشيـتك يـا صـحاري الـتيـه..نـادمـتك أيـا كـثبـان
فـــجاجٍٍ والـــمســـافة رمــل .. وأحلام الــنجــوم دروب
تـنوخـذت الـظلام ومـا اسـتبـان لـمشـرقـي شطآن
كــأن الــليــل يـا شـمس الـصبـاح شـباك لـك مـنصـوب
وأهـز أكـتاف ذا الـليـل ال تـوسـد سـاعد الحيطان
وأنــادي:" مــن يــبي قــلبٍ شــقيٍ هــايـمٍ مـجدوب؟ "
وأصـيح بـوجـه جلاّد الـسهر:" يا حادي الركبان
علام تــمر بــشمــال الــهجــر والــمنــجيـات جـنوب؟!"
تــعبــت أتــلبــس ثــياب الأمـل يـا حـظي الـعريـان
أرقّع ثــوبــي وشــوك الــجفــا يــملــي الـحظـوظ ثـقوب
وتـعبـت أطرق على أبواب الوفا/يا كذبة الشيطان
مـن الـخل الـوفـي؟..الـليـل الـطويل بظلمته معصوب!!
وأنـا الـطيـر الـمهـاجـر يـا مـطر وابـتلت الجنحان
وأنــا لــو خــانــك الــقلــب الــمحـب آصـير كـلي قـلوب
تــنفــس يــا أرق عـطر الـسيـجار وبـحة الـدخـان
تلاحَق مـــا بـــقى مـــن شــمعــتك قــبل الــظلام يــذوب
ومــد كــفوفـك بـوجـه الـفراغ وحـاصـر الـنسـيان
وش أكبر من جنون الذاكرة يا "موطني المسلوب!!"
عـلى الله يـصدق الـحظ الـردي يـا صرخة البيبان
وأكـحِل هـا الـسنـين الـمرمـدة مـن مـرودي الـمجروب
سنين أحني سنابل غصتي وأنفض جنا الأغصان
عــساهــا تــمطــر غــيوم الــلقــا فـي كـاسـي الـمقـلوب
سـنيـن تـمشـط "زلوف" الصبر في معبد العميان
كــساهــا الــليــل مــن بــرد الــفراق الـمسـتبـاح ذنـوب
ســنيـن وكـل هـا الـعتـمة حـبالٍ تـسعـف الـسجـان
وأنــا ذنــب الـسنـين الـلي قـضى كـل الـعمـر مـصلـوب
