 |
قسم شعبي متنوع
مناااام |
|---|
مناااام
يا اللي نسيتي الليل
لا موعد ولا شمسٍ ولا أصحاب
وأحرقتِ أعصاب الصباح
قبل الصباح
وأطفيتي قنديلك بعزّ الشوق:
مرّيتك البارح منام
أقرأ تفاصيلك من الدخان
وأصوات العصافير الحزينة
وأحفظك عن ظهر قلب
وأقلّب الصفحة أدوّر عن جديد
ما لامس عيوني
أو ما اسمعته أصابعي
و أقلّب أوجاعي
و أقلّب أوجاعي عبث
و أجرّح عروقي
يمكن ألاقي لك أثر...
و أتبعك
مثل البدو تتبع منازيل المطر
و العشب
و تعبت أدوّر في الحنايا
و البقايا
و التفاصيل الصغيرة
ما لقيت إلا التعب و الهم
و آهاتٍ تفزز كل حيّ
يا هيييه أنا الواقف لحالي
ليه واقف؟
من متى؟
ما أدري!!
بس المهم اني وقفت
وطحت من طول الغياب
وما وقف ذا القلب
ما هدّه الترحال ف" عروق الظمى"
وما لاح له بارق دفى
يا الواقفة خارج حدود الظل
أو بيني و بيني
كل الدروب تمر بك
مقيالها عيونك
كل الدروب جنوب
أو كل الدروب انتي
آسف نسيت البارحة
آخذ معي جروحي من
فراش... المنام
وأنثر تفاصيلك
بوجه الليل
وأقول له: " اقرأ
باقي جراحاتي
وأستأذن أحلامك
بنام
ونلتقي باكر
يمكن يجي باكر ! "
|
|
|
| | |
