علامــك يــا مــوانـي تـلفـظيـني خـلف سـور الـرزق؟!

وأنــا ذاك الــصغــير الــلي تــعلّق بــك..تـراب ومـاي

وأنـا الـلي صـلّت عـروقـه ف رمـلك كـلّ عـرق وعرق

ومــهمــا تــكبــر أخـطائي الـغبـية تـدمـحيـن أخـطاي

تــعوّدت أرجــع بــعزّ الـظلام أطـرق شـموسـك طـرق

أدغــدغ آخــر نــجوم الــصبــاح وتــفرحــي بـملـفاي

تــقولــين:"افــتح أبـواب الـقلـوب الـمغـلقة..ثـم ارق"

تــبوســي نـجمـتي قـبل الـهجـوع وتـحرثـي مـسراي

جــهاتــي ال مــا لــها آخــر تــيمــمّ كــلهــا لــلشــرق

وأنـا فـي كـل صـفحـات الـسعـادة مـا قـريـت أسـماي

خــرفـتي نـخلة أيـامـي الـعزيـزة..ومـا بـقى لـي عـذق

ومــرّيــتي لــيالــي هــا الـسهـارى..مـا نـسيـتي إلاّي

تــعلــمت أكــتبـك قـبل الـمخـاض وقـبل صُبـح الـطّلـق

وتـعوّدت أخـتفـي قـبل الـغيـاب..أهدي ازعلي لرضاي

لـــك الله..قِدرت يـــديـــنك تـــطفّي لــي فــناري خــنق

وأنـا الـلي كـنت أنـادي لـين مـا جـفّ الـحكـي بـشفاي

أنادي :"يا مواني".."يا مراكب".."يا مواسم عشق"

ويرجع لي الصدى:"يا صاحبي..يا الله ارتحل ويّاي"

ذبــل كـلّ الـشجـر فـي وادي أحلامـي..يـا غـير الـنبـق

بــقى وافــي يــظلّل هــامــتي وأقـدامـي ف مـمشـاي

نــسيــتيــني الــصغــير الــلي تــضمّي لـو يـلّظ الـبرق

كــبر..والــيوم راحــل..لا صـديـق إلا الـعصـا والـناي

تــعلــم كــيف يـقسى..كـيف يـكتـب..واسـتعـاد الـنطـق

مــسافــر تـارك أحـبابـي وطـينـي مـع عـزيـز أشـياي

تــعبــت أربــط عــروقـي لا تـسيّل..كـلّ عـرق وعـرق

عـساي أتـعلـم ف مـقبـل جـديـدي مـن قـديـم أخـطاي

وتـعبـت أهـدي الـسهـر آخـر دمـوعي وأستفزّ الطَرق

وتــعبــت آلــملــم أشلاء الـقصـيدة وأسـتثـير خُطـاي

أمـــانة يـــا طــيوري لــملــميــني مــن فــتات الــرزق

وأمـانة يـا الـورق تـلمس جروحي..صرت لي منفاي.