ليله وطاولت العناء
وش للسهر يبكي عليَ
لاني حبيب ولا ضنا ..
ولا مر عام بمقتلي
طاولت بك حد المُنى
يمكن تجين وتوصلي
يا بنت لي باقي سناء
ونْحاس عيني يصطلي
تطفين أو اطفي أنا
ما عاد تفرق داخلي
...............
ليله واقول ان الجفا
قلوب تقتات الصفاء
واللي بقى .. ذم البقاء
واللي شكا .. دمه بكى
واللي تجاوزني وعفا / مجبور من كسر الوفاء
يا سيدي يا سيّدي
يكفي تقاتل بي كفى
كل الشوارع ضايعه
كل المدامع فاضيه
والشمعه اللي لا .. ظيه
ما اظن تطفي بي حزن
ما اظن تآويني وطن
وآنا على كلّي انا
شاعر خفوقك بايعه
يا سيّدي يا سيّدي ..عمرك كثير وجايعه
........
ليله!
وصحيت من النجوم
افرك ظمأ الجدران
وافتح كتابي للرصيف
اقرا مشاوير الكفيف
وارتد في جرح النظر
شاعر بلا عنـوان
يشكي لطاولة الزمن
ما تْلَمذَت انسان
الاّ بمباني رافعة تلويحة الهجران
والشارع اللي يعرفه
ما اظن يومٍ ينصفه
ولا احدٍ قراه الآن
ليله وطاولت النخيل بنكسة الحرمان
اذكر تعبت من الفرار
وانيابي اقدامي .. واللي نهش صدق الشعور
القاه قّدامي
واْذكر حفرت بداخلي
حتى وصلت وما لقيت
الا ظلام احباب
مرو على جرح النظر
واستوقدو الغيّاب
وصحّوا العمى في داخلي
وصح الضرير
صح الضرير
صّح الضرير بنافـذة سجـاّنك
واصحى بعينٍ للدجى موقـوده
لا تطفي الليله كرهْـت اخوانك
شافو غـلا بعيونك المفقـوده
وذنوب شعـرٍ تشتكي غفرانك
نامت على درج الرجا مطروده
وبعض البريد اللي سعى بعنوانك
حتى نسى مع غايته مقصوده
وشاعر رمى صوته على بيبانك
وأدمى الحصى من بحّته وتغروده
ما انتي بعيده كذْب صدقك خانك
غبتي وانا ادري داخلي موجوده
واليوم/ أّبكسر قاعـدة كتمانك
وارقى سماء بيبانك المسدوده
بَطـول بأحراشي على جدرانك
وانسى عروقٍ بالثرى ممدوده
وبتساقط من الوجد في وجدانك
دمعٍ يرقرق للبكـاء جلمـوده
وبشّـح في غيمي على وديانك
وابكي دفاتر صمتي المعهـوده
حتى تذوب من السهر قضبانك
وادخل أنام الليـل بين رقـوده
لـا تطفي الليله لعنت اخوانك
ذمّوا الضرير وقيّدوه حدوده
والتهمه انه عاشقك
ليله
وكابر من عناه جروح أسمال السنين
يسأل انا منهو لها.. يمكن انا ما ادري لمين
ليلهْ وقبّل من عناه الشعر وأرصفة الحنين
ما كحّلت عين الدجى.. ما وسّدت شط الرجاء
داست على صدر النظر .. واذرت بملح الفاقدين
واللي هرب منهْ استقر .. اقرب من الظلع اليمين
حتى توّسد بالظلوع .. ونام من طول السهر
