عكّـــاز

الــنهــاية ولـو بـدت مـن داخـلي      طــفلــها عـكّاز صـادف كـهلـها

يـا عـيون الـدرب مـااحـدٍ قال لي      شـوكـها غـول يـترصـد رجـلها

مـا لـبسـت الـخف يـا ارض ثقلي      دوسة الـصبـر انكساري طولها

وكــذبة انـفاسـي تـراود مـقتـلي      قـوم يـا صـبحـي عطيتك نصلها

ذنـب هـذا الـحلـم شمس تصطلي      ظــلهــا يــطفــي غلاظة غــلّهـا

ورحـت امـد الـعمـر علّك تآصلي      لا وصـلتـي ولا طرا لي وصلها

مـااحـقرك يـادرب لا امـتد جهلي      خــطوةٍ تــذبـح مـسافـاتـي لـها

وانـت يـا نـصفـي ثقيل وبك خلي      مـا اصعبك وانته تموت بسهلها

قـوم خـفف مـن حـمولة كـاهـلي      الــحزن والـحب يـكفـي لـقتـلهـا

عــايـش وبـترك وصـيّه يـا هـلي      كــل مــالــي لـلحـبيـبه ونـجلـها

يـا عـجاف الـغيم وش لك تزعلي      غصني المكسور واجبر فصلها

لـو ضـمت لك بين ظلعين اهطلي      صـدري الـجدول وبسقي نخلها

وان تـساقـط جـرح ما بي تدملي      مـدمـنٍ نـزف الـعروق ومصلها

بــطعـمك يـا كـبد لأحـزانـي كِلـي      مـن رغـيفٍ مـا نسى ناب أهلها

يـا تـعب لـو جـيت لـك ماني خلي      ولـو رسيت الشط بغرق سهلها

مـلحـها بـأعـماقـي وأغـلي غـلي      وحـلق شرياني يمضمض غلها

جيت ابروي عشقها ثم صاح لي      بـير قـمحـك مـا تـصادف حـبلها

قـلت لو مالي سوى شعري سلي      دام روحـي فـي يـديـها عـزلـها

والـحقـيقـه لـو مـشت في داخلي      طــفلــها عـكاز يـضرب كـهلـها