قـول أحبك.. وأعترف إني ضرير
مـا أشـوفـك وانـته اتـجامـل بحبّك
لا و رب الــكون والـبدر الـمنـير
أعـرف أن الحب ما يخطف بدربك
قـول أحـبك.. وآنا في حبك كسير
مـن هجير العاطفة واسرح بسربك
حـدّ دربـك عـن دروبـي واستخير
حــبك الــفضّاح مــا بـيّن فـقربـك
هـمت فـينـي وانـتخيت إني مجير
عشت فيك وصرت يالهاوي محبّك
سـرت دربك اتبع أوصوف الغدير
شـدّنـي لال الـعواطـف لـي زهـبّك
مـا انـظهـيت إنك نهايات المصير
يـسقـي اهـموم المعذب سيل صبّك
ومـا دريـت إنـي فحبك كنت أسير
وآنـا أتـبع فـوعة إحـساسي وطبّك
الله الـلي راد ، فـي حـكمـه خبير
تــاه عــمري بـين أوهـام ٍ عـطبّك
ومـا بـقالـي فـالـدهر غير السعير
آتـسقى جـرعـته والـطيـب شـربك
وانت في راحات روضك والعبير
تـآسـر اقـلوب الـرجال اللي تشبّك
روح واتـبع مـاضي الحب الغرير
وشـوق تـرفات السنين اللي سربّك
واتـرك الماضي على حسنه وخير
شـوف غـيري واحد ٍ يرضى بحبك
