سرحت بلهفتي وسط الجماعه
بــفكــر ٍ لــلغــلى يــعلى شـراعـه
ظـهرت الـفلـك بـأحلام الـمحبه
وفــلك الــحب يــفرد لــي ذراعـه
لـقيـتك شـط فـي غـربـال فكري
ف وقـت ٍ تـاه قـلبـي فـي ضـياعه
نــويــتك والـنوى زايـد لـهيـبي
وعـرق الـشوق يـنبض باندفاعه
وأرخـيت الضعن مطلب ودادك
خـضع لـك قـلب مـولـع بـاتساعه
وأهـديـتك حـياتـي يـا حـياتـي..
وعــمرن راسـخ فـعرد الـقنـاعـه
لأنــك نــادر ٍ فـي قـلب عـاشـق
يـلبّي الـقلـب لـك سـمع ٍ وطـاعـه
فـوسـط الـقلـب لك قصر ٍ مشيّد
بـساس الـحب وعمدان الشجاعه
وأطـنابـه مـن إحساسك حبيبي
يــهز الــقلـب لـي عـالـي رفـاعـه
أهـيم فـحسـنك الـوافـي وزيـنك
عـذوبة وصـف تـكسـبك الـمناعه
طـبيـعي لـو قطفت الورد يذبل!
وفـ كفك ظل في روض الشفاعه
تـشافى من وجد جمع المشاتل
لأنــك تـشبـه أوصـاف إنـطبـاعـه
حـبيـبي .. ما سلا فكري خيالك
(لـزيـم الـقلب) كل لحظه وساعه
يـــراودنـــي وأنـــا والله مــتيّم
بـعطـف ٍ مـنك يـبهـرنـي شـعاعه
أبـد مـا أروم لـك فـالـود حيله..
تـعال وخـف عـن قـلبـي إلـتيـاعه
نـعيـش وتـسعـد أيامي بشوفك
وتـجمـعنـا عـلى الـصالـح رباعه
