هـو سـنا الاقـمار يـغشيه المبيت؟      لا حــشا والله مــا تــظلــم سـماك
شـامـخٍ فـي قـلب خـلّك لـو بـغيت      وشـامـخٍ لـو مـا بغيت انته بغلاك
يــا حلا لــحظة تــقاســيمٍ هـويـت      يــاغـناة الـشعـر لا جـيت بـهواك
إن لـفيـت بـيوم غـيم وبـه رويـت      ولا طـرقـت الـشعر طاروقه لفاك
مـن صفا نبعك شربت وما ظميت      وان ظـميـت بـيوم يرويني ظماك
يـالرفيق العذب لك شعري طويت      بـه مـسافـات الـظمـاء لآخر مداك
أنتخيت الحرف في مقصور بيت      لــين جــاد الــشعـر سـيّالٍ سـقاك
وان سـليـت الـيوم بـاكر ما سليت      يـا لـيالـي الـعمـر شـحيتي بعطاك
مـن سخاء كفي وهبت وما خذيت      ولا وهبتي الكف من مورود ماك
ولا سلانـي غـير شعر لا ضويت      فـي ديـاجـير الـمساء بخيبة وفاك