 |
قسم متنوع
السمـاء قصـة نجــوم |
|---|
السماء قصة نجومٍ
تختفي في كل يوم **
جيت ابشعله المداد
مالي الا الحبر زاد
والفرح لا جاد عاد !!
صد في تيه وعناد
ضقت انا بعد التخوم
اشعلت فيني هموم
انهكت صدر العزوم
بماضيٍ وحاظر ظلوم
والسماء قصة نجوم **
جيت والقمرا اتسلى
كل شي عني تخلى
قلت ابرسم هالنجوم **
ما لقيت الاها قصه
ضاقها الحلقوم غصه
المكان اللي جلسته
ضاق بي وعني تخلى
آآآآه يا كبر الهموم
للتعب باقي رسوم
ثابته بأسمر جباهي
انا ضيّعت اتجاهي
ما لفت جل انتباهي
نجمة بين النجوم *
وانا صاحي بعين ساهي
شفتها حولي تحوم
جت تحاكيني وتقول
المساء جرح الفصول
ليه هذا الحزن جارف؟
المساء لا شك عارف
السماء قصة نجوم
تختفي في كل يوم
لا تكّدرها الهموم
ماله اي داعي ولزوم
اكتب آهاتك وبيح
ينتشي القاف الجريح
احلى ترنيمه ويبيح
آخر اسرار الغيوم ()
ان السماء قصة نجوم
يا ألد من الخصوم
ما بقى غير الغيوم
تحبس القطره وتصوم
ولا خطر لي اسألك
عن ديرتك عن منهلك
وانتي بعيده بمنزلك
هم اقرب اعدائي هلك
مريت انا بابك بـ ليل
جرحي طويته بمعطفي
ناري تشب وتنطفي
علّك تقومي وتسألي
يا اقرب اقرابي وهلي
عن آخر اخبار الهبيل
اللي تعود يسألك
اقرب مواعيد الغرام
واللي تعّود يثملك
احلى عناقيد الكلام
واللي لوقته يجهلك
انك سجينة منزلك
تكفين صحيّهم هلك
يناظرو ذاك النحيل
اللي لوقته يجهلك
انك بعيده ويسألك
صح السماء قصة نجوم ؟
صدق البحر اقرب تخوم؟
هالشط بالآمي اكتسى
في ضلعي الايمن أسى
في ضلعي الايسر رسى
جيش المفارق بيرقه
والشعر عييت اطرقه
ما جاد لي من منطقه
الا خرافات الحلوم
ان البخت صقرٍ يحوم
يهد اسراب النجوم
وإنك مثل باقي النجوم
**** هم تختفي في كل يوم ***
|
|
|
| | |
