كّني عشقت حروفها ما ادري وش احساسي بلاه

يـشّدنـي احـوج فـضول اقـرأ حـروف مـن يـقيـن

وانـا مـضّيـع هـالـيقـين عـاقل ووّصو بي وصاه

كـيف الـوصـايـه يـا هـلي مـانـي بـمغبون الذهين

مـن هـيّ وش هـو لـونـها شـاعـر ويـسألـها فتاه؟

تــرد بــيض ســنونـها لا زلـت فـي عـقد الـثنـين

مـاادري سـكنـي جـنونها صارت هواجيسي دواه

ولا شــكاة طـعونـها هـاجـت بـي الـحزن الـدفـين

الــهم ســلّمــني زمــام الــضيــق وولانـي قـضاه

هّجـيت يـم حـروفـها وسـجّيـت بـالـعقـل الـرزين

كّنــي ضـحيّة كـونـها ضـاقـت عـليّ ديـره وفلاه

وكــنّي رهـين حـصونـها مـذنـب بلا شـي يـديـن

الـصبـح مـظلـم لـي دجى ولا الـقمـر هـذا مـساه؟

مـا عـدت امّيـز عـتمـتي خـارت مـعازيم الرزين

يــجوز جــننّي الــقلـم ويـجوز بـيّ هـالـعقـل تـاه

والـنجـم لا جـاه الـشعـر يـلفـي بـهجـوسٍ ما تبين

لا قـلت بـطلـق هـالـعنـان الـغيـم مـا عـانـق سماه

شـحت عـليّ مـزونـها وارحـلت يـاقـحط الـسنين

وشـعر الـحداثـه مـا روى جـملة مـحاصـيلي فناه

مــا بـلّ ريـقي بـشربـته يالله تـسقـي الـضامـييـن

فـينـي سؤال وكـاظـمه مـحفـوظ هـذا الـوجـه ماه

وعـندي بـيوت لـلشـعر واحـسب عـقاراتـي ثمين

والـشعـر حـيّرنـي لـغز مـا اضـن تـوصل مبتغاه

ياصاحبي شعري هوس ينزف ويضحك سامعين

مـا زلـت فـي حـرفـي طـفل من صرخته كل لفاه

مـا زلـت جـاهـل حـيرتي واجهل لغز عقد الثنين

وهـاوي ولا لـي بـالـشعـر والـشعـر مـا حـدٍ نـفاه

شــبه الــجزيـره مـوطـنه والـبدو نـاس مـوّلـعيـن

ومـا دامـني هـاوي حـروف الـدين هو سر النجاه

مـالـي بـخت مـالـي بـخت بـقوم اصـلي ركعتين.