لا تصحّي النور لا لا خلّ قلبي لـ الظلام،..
اطفي شموعك ورحّل عن مزاراتي الهوى
ما ني بــ حاجة بقايا أشلاء من طيف الغرام
جثّة الحبّ فــ عيوني محنطه كذب ونوى
الغرام اللي عرفته ، ضيق ، وهموم، وملام
والغرام اللي اريده في عيونك ما ضوى
كم تلحّفت الملامه والدمع ينشد سلام
والجرح نوّخ رحاله في خفوقي وانزوى
ما أريد الشوق من قلبك يطيّر لي حمام
ولا أريد الحبّ يلبسني..يطوّقني الجوى
كم قضيت الليل أمسّد جرح قلبي .. ما حرام؟؟
وأنت رحّلك الغياب بعيد .. ماضيك انطوى
لا تصحّي النور لا لا خلّ قلبي للظلام..
خلّني أحيا بعيده عن شروقك والهوا
خلّني في ظلم ياسي أحيا هــ الياس بــ وئام
خلّني أحيا ظلامي و الأمل مالي.."سوى
احتضن كلّي، أعيش بداخلي ويّا العظام
اعشق أسراب الجروح الغايره فيني .. دوا"
11.52 صباح الثلاثاء
8/ نوفمبر/ 2005
|
