تدري.. ثواني حياتي من غير حبّك قفار
روحي اتقفّى وصالك و إن مر طيف انتشيك
لا مر هتّان حبّك ... تنبت ورود وخضار
وتزهر فـ روحي الأماني .. وارجع معك ابتديك
كلّي انصهرت فــ غرامك .. مالي فــ هواك إختيار
اعشقك .. واعشق أماكن حلمي بها التقيك
يا روح حبّي .. وروحي.. يا نبض.. كلّي اغار
خفّف على قلب عاشق يغار كلّه عليك
ما قد جرحني الحنين .. ولا كسرني القرار
إلا قرار المفارق.. به انكسر وارتجيك
الروح ضميا لــ حبّك .. و النبض كلّه إنكسار
و الوقت أعمى بدونك .. والفكر شارد يبيك
يا بلسم ( الجرح) جرحك.. في غيبتك إحتضار
كلّي اتوه ..واضيع.. وانهمر..اقتفيك!
عوّد حبيبي بــ وجودك ..يرجع لــ روحي النهار
الكون كلّه فــ غيابك اظلم علي يحتريك..!
7/نوفمبر/2006
5:55مساء الثلاثاء
|
