كلّما كبّر إمام الهم فيني
قامت صفوف المواجع في ورع

أدّت بإخلاص نُسكٍ مهتويني
ورتّلتني سورةٍ تحرس وجع

مصحفي يسرد حكاية ساكنيني
من ضياع وخوف فقدٍ أو هلع

روحي محرابٍ لهمٍّ محتويني
طاهرٍ .. يا ما سجد فيه وركع..

من رحاب الروح يسردني أنيني
وكلّ جُرحٍ قام يقصدني شرع

ما عشقت الهم .. روحي صدّقيني
لو بيدي ما جرح عيني الدمع

بسّ ما حولي رفض يرقى لــ عريني
وصعب اشوف الروح تتبعهم تبع

حُرمة الأوجاع تفرضها سنيني
ما يضيق الهم فيني يتّسع

يمّم الدمع المُسجّى شطر عيني
أدّى نسك الهم بإيمان وورع

هذا حالي وسط تيهٍ محتويني
يوم همّ ويوم روحي تُنتزع..!