الـغلا ذا هو خضوع أو هو سفر أو هو جريمة
كـل مـا جـال (ف) عـروقي واستفز اللي استفزه
دمــعة ســالــت عــخدي دمـعة وداع الـيتـيمـه
لــيلة اتــذكــرت فــيهــا أصــدق الــعالــم مـعزه
هـو كفيف العشق مادري أو قلوب هي غشيمة
خـبري إن الـنحـل يـدري عـن زهـره الـلي يمزه
مـن بـيوت الـطيـن لـليـل أو حـزاويـنا الـقديـمة
للحروف (ف) كل سور وللحيا (ف) مليون خزه
لــلصــباح الــلي جــمعــنا قـاع مـتكـبر عـغيـمه
لــلخلال الــلى نــلمــه يــوم قـيض الـنخـل جـزه
لـلدروس الـلى تـغابـت أو هى غـابـتهـا سـقيمه
لـلطـريـق الـلى قـدمها ما دري كيف الشوك كزه
لـلشـعور إن رد خـايـب للقلووووب المستهيمة
لــلنــهايــه الــلي وصــلنـا لـلنـدم لاطلال غـرزه
جـيت أبـدري لـيه عـمري مـر والـخطوة ظليمه
وعـذري إنـي مـا فـهمـت أو حد هالمسكين وزه
جيت ضايع بين شوق وبين ذنب وسقف خيمه
ويـن مـا نـاظـرت حالي حال من هو ضاع حرزه
تــجربة مــريــت فــيهــا تــجربة جــدا ألــيمــه
تـجربة سـلت عـصا مـن إسمها وعطرين همزه
عـلمـتنـي مـن شـروق الـحب لـين أول عـتيـمه
كـيف أمـيز نـبض قـلبـي بـين خـفقـه وبـين فزه
عـلمـتنـي أن الـغلابة مـا هـي آلـذ مـن الهزيمه
وإن هـذا الـبحـر يـروي لـو هـو إن الملح رمزه
عــلمــتنــي وعــلمـتنـي حـكمة تـبقـي عـظيـمه
مــن يــدور غــير عــزه جــاه شــيطــان وهـزه
إيــه نــادم إيــه نــادم واشـعر إنـي دون قـيمـه
كـل مـا أعـذاري أتلاطـم بـالـذنوب (ف) كل حزه
إيــه نــادم إيــه نــادم مــن ذمـيمـه لـي ذمـيمة
كـــل مـــا ســـافـــر واســتفــز الــلي اســتفــزه
