 |
قسم شعبي متنوع
سنين وسبت وطلال مداح |
|---|
سنين وسبت وطلال مداح
سنين وسبت
وترحل ؛ صرختي ...
..
وطن من ثلج
والشمس اتهيأ للشروق
وانا ادري ان الشتا خاين
أناادري ان الشتا خاين
صباحك سكر الأرض ان تثاوب جفنك وقمتي
حشا حتى العصافير اطــــرقت أبواب هالغرفة
نهار ٍ تزرعي شمــــــــسه ظلال ويحتفي وقتي
وأشوف الليل يتــــــــهجد غلاك ولا يغض طرفه
عليه الله من سبت ٍ يجـــــــــــيبك وين ما كنتي
عروق أو دم أو طيــــــــــن ٍ أحبه دون ماعرفه
كلام وشعر وفــــــــــــنفسي أردد كل ما قلتي
لصوت الأرض مطلع به يطل الحزن من شرفه
.....
( من هو حبيبك غايتي بس أهنيه
على حسن حظه عشانك حبيبه
....
أنا ادري ان الله يحبه ومعطيه
اللي دعاك الحظ تصبح نصيبه)
...
كلام وشعر وإحساس ٍ يسولفني رغم كبـــــتي
صفا نية صفا جية صفا شاعر غرق حرفـــــه
يشوفك بحر من طيب وأشوف حْذاك مدرستي
متى ماجيت إنسان بليا شعر أو حِرفـــــــــــــــه
دخيل أرضك أنا الضايــــــــع / أو فيني أنا ضعتي؟
أو ان السالفه مقطـــــــــــــع له الآنام منجرفة
........
(مقادير ياقلبي العنا مقادير
مقادير وش ذنبي أنا مقادير)
......
دخيل أرضك
دخيل أرضك
إذا الدنيا بعدها بخير
وإذا انتي مثلها بخير
أبي منك تلمينه وتلـــــــــــــمي كل بعثرتي
وأبي لامن جمعتيها تحطيــــــــها معا ظرفه
وسط قلب ٍ يدورني سنين وجـــــابني سبتي
فؤاد كنه الشحم وحــــــــــــــــنايا ترفةٍ ترفه
وروح توصل لطفل ٍ تعلّـق بآخر رْقـــــــبتي
وصدر يرفع الدمع لعيون ٍ ما قــــــــوت ذرفه
من اللي يروف بااشلائي اذا انتي بس ما رفتي
من اللي يعلم النفس القـــرار بنحوه وصرفه
وطن من ثلج
والشمس اتهيأ للغروب
صحيح ان الشتا خاين
مثل ما كل شي خاين
صحيح ان الشتا خاين
مثل ما كل شي خاين
|
|
|
| | |
