تـدري بصدري وش اللي في غرامك يثلجه
لا مـلكـت الـدنـيا كـلهـا يـعنـي لا مـنك إجيت
تسقي أهدابي وفكري في حضورك يحرجه
كـيف يكتبك فقصيده حرف حرف وبيت بيت
يـا مـتهـاهـات الـجمـال ويـالجمال ومخرجه
يـا خـليـط مـن الـلبـاقة والـحيـا قـدر وصيت
كـل صوت غير صوتك غي أذوني حشرجه
مـن سـكوتـك لـين سـيمفونيتك لا من حكيت
أنــت مـدرسة الـغرام وفـلسـفتـه ومـنهـجه
وأنـت إحـساس وضـعني بين حي وبين مت
يـكفـي أنـي قـبل أشـوفك ما شعرت بلجلجة
ولا حـرمـني الليل نومه يعني كني ما هويت
بـين أبـطلـق لـك عـنان الـقلـب ولا أسـرجـه
أكـتم أنـفاسـي أبـرسـم لك خطوط وما قويت
كـل مـا رسـم خط أشعر فوق خدي دحرجه
مادري أنت اللي أتدحرج أو ذكرتك أو بكيت
الـمهـم الـلي أتـضح لـي مـن هـذيك الدبلجة
لـلكلام الـلي سـمعـته فـي عـيونـي لا مشيت
إنــك قـريـب مـن عـروقـي لـلدمـا للأنـسجة
وإنـك أبـعد مـن سـحابه لو وفيت ولو وفيت
وإن صـدري يـعلـم الله مـا أنخلق من يثلجه
غـيرك انـته كـنك الـلي فـي مـرابـيعـه ربـيت
وإنـك أدري إن حـبيـبك فـي المحبة يزعجه
لا خـسر هـالـدنـيا كـلهـا يعني لا منك سريت
