مــن صــغر كــبري ونــا اسـمع بـالـفرار مْن الـفرار
وادري بــأفــظع جــرايـم تـرتـكبـها مـجرمـه
قـــالـــوا ان الــلي نــجبــها ســاحــر بــذاك الــجوار
يـعنـي بـنفـس الـجوار الـلي سـكنّا بـمقـدمـه
كــانــت بــسن الــطفــولــه وتــسلــب الــباب الـكبـار
واكـبرت بـين الـمقـابـر تـمسـك الموت قْدمه
يــا عــسى مــصدف خــجلــها واقــف بــحد الـشرار
أدري انــها لـصدفـتنـي تـمتـلكـني بـسلـهمـه
لا تـــبراهـــا الـــجمـــال الــلي جــحد فــيهــا وجــار
ولا تـبراهـا الـغرور الـطاغـيه واصـبح سمه
مــبســمه زفــرة جــهنــم حــولــها الــسبـع الـبحـار
مــا لــقت زفـرة جـهنـم مـسكـن الاّ مـبسـمه
كـــل مـــا نـــادت جـــمادٍ ســـدّل جـــناحـــه وطـــار
وْلا هـي مـجبـوره تـنادي بـس يـكفي تحلمه
تـــحلـــم بـــليــس الــلعــين ويــنتــثر نــثر الــنشــار
يـرجـف لـصدمة هـدبـها لا غـفت فـي معتمه
تــمتــثل فــيهــا الــعدالــه ومــن صـورهـا الإنـتحـار
وْيـا تـرى وشـلون تـظلـم والـعدالـه مـظلـمه
يـــمكـــن تـــزج الـــنواظـــر فــي مــسار بلا مــسار
ويـمكـن تـصوّر جـنانٍ واهـيه نـارٍ مـضرمـه
وْيــمكــن تــيمــن حــكيــمٍ..وْتــلقــي بـروحـه يـسار
ويـمكـن بـطمـس الـحقـيقـه تعدم اللي تعدمه
هـــذا كـــل الـــلي ســـمعـــته كــالــريــاح بلا غــبار
وهـذا كـل الـلي فـهمـته واعـجز انـي أفهمه
يـــا سؤالٍ مـــا عـــقلــته ويــا جــوابٍ بــاخــتصــار
وْيـا غـموضٍ بـه وضحتي وْيا حقيقه مبهمه
مـن صـغر كـبري ونـا اسـمع (كـلُ كـوكـب له مدار)
بـس مـثل الـلي سـمعـته يـا عساني ما الزمه
بــعد مــا مــرّت ســنيــن وجــانــا عــصر الإزدهــار
بـعد مـا الـماضـي تـنازع مـع وجودٍ يصدمه
مــــــا لفت عــقــلي جــمالٍ (يسرق المرء اختيار) غــــــير مــــن وطـت طريقي في (خطاتٍ ملهمه)
ِايــه تــسمــرت بــمكـانـي بـس مـا قـصدي انـتظـار!
قصدي الفت لي نظرها وْيا عسى ما تحشمه
من تكون أو .. من هي ذي.. أو يا ترى مْن ايّة ديار
مـرت بـجنـبي.. تـحت.. من فوقي ,الله يعلمه
تـــنظـــر بـــنظـــرة فـــقيــرٍ والله اعــلم بــالــستــار
مـثل مـا كـانـوا يـقولوا ما خفي كان اعظمه)
والله انـــي مـــا أفـــرق بـــانـــهيـــاري والـــدمـــار
كــني بــذاك الــطريـح الـلي بـعد مـا تـهزمـه
(لــو يــقولــون الــتبــخر عــكس مــا بــالإنـصهـار)
وش بلا قــلبــي تــبخــر ثـم ذاب بـمعـصمـه
(لــو يــقولــون الــمحــبه بــالــنظــر ثــم اســتخـار)
لـيه انـا قـلبـي اسـتخـاره قـبل عـيني ترسمه
أبــــني بْفــــمي ســــكوتٍ لـــجل مـــبدا بـــالـــحوار
وْتــهدم وأبــني وتــهدم ثــم أبـني وتـهدمـه
مــــا أحــــبه.. لا أحــــبه.. مــــا أحــــبه لا وغــــار
قـصدي انـي فـيه ضـايع همهمه في همهمه
مــن عــرفــته مــا عــرفــته وْلا نــهاري هــو نـهار
وْلا مـصيـري هـو مـصيري كن موجٍ يلطمه
وْلــيه كــل مــا جــيت افــكر ألــقى بـافـكاري شـجار
ولـيه كـل مـا حـولي يجري في هلاكٍ توهمه
والــقى روحــي بـالـمقـابـر لانـي داري بـالـلي صـار
مـا حـسبـت انـه طـريـقي بـالـمقـابـر تـختـمه
أذكــر انــي كــنت انــا اســمع بــالــفرار مْن الــفرار
يـعنـي مـعقـولـه ابعشق نفس ذيك المجرمه!
