 |
قسم شعبي متنوع
وْجوه الشوارع |
|---|
وْجوه الشوارع
تكدَس الماضي هنا......
وْنامت على رمشي تعب
تبكي وتضحـــك صامته
تضوي بْدمــوعٍ خـــافته
بس تنتظر..
بعض العهود الميتة وسط الجمر
يصرخ على وجـــــوه الشوارع..يا لطيف
وآنا انتظر..وْهي تنتظـر..وْحتى الرصيف
غني يــــــأسراب البجع
تيهي فضبابٍ مـن وجع
مثلي أنا...
وْغني لحضرة مــــوتنا
ثم اسكتي....
لحظه اسكتي!
كني سمعت الخطوة اللي بدنيتي
هوَ انتي ذا.
هوَ انتي ذا وْجوه الشوارع تثملين وتضحكي
واحسب أنا...... بعض العهود السالفة
جتنــــــي بريـــــحٍ خايفه
تنقش على يْديني خريف
يالماضي المخطي تــأسف..أو بلاه
ابعد وبس..
الشمس تشرق من جيوبي وْلا تحس
مـــــا كافي عيون الظلام....
تقفل علي اهدابها وْلا ما تنام
ابعد وبس..
ما بيك تتكدس هنا ..ولا هنا ..وْحتى هناك
وْشوف الرصيف...
مدري شحكاية هالرصيف!
كل ما تجي.. شكله مخيف وْيرتجف
كنه يخبـــــــي وْيعـــــترف
مدري شحكاية هالرصيف!
يالماضي بْحق السما ..أبسألك...
مــن هـــــــو الــــــجمر ؟
من هو اللي مثّل ينتظر ؟
من هو الذي ينحر ضيا ذيك النجوم ؟
من هو الذي يمطر همومٍ في همـوم ؟
أهوه أنا...ولاّ إهي وْجوه الشوارع والرصيف؟
متوقّعٍ نفس الإجابة يالسؤال!
ليه يالرصيف ؟؟؟
منته الذي قلت الوفا صعبٍ يزيف
ليه يالرصيف؟ ليه يالرصيف؟
تعالي ياوْجوه الشوارع نثمل بعيني أنا !
تعال يالماضي هنا..ما باقي الاّ شمس وضياها
|
|
|
| | |
