آخر اللعبة
بـعد كـل الـعمـر لـي راح وضـح آخـر اللعبه
بـعد مـا ضـاع عمري بالصراحه. يعترف خوان
سكت أمن العجب وأقول يمكن بالمزح كذبه
بـدا يـبكـي نـدم ويـقولـها مـن حـسرتـه غـلطـان
نـطقـت وقـلت لـه يـاللحسافه هانت الصحبه
تلاشـاء كـل مـاسـويـت لـك فـي عـالـم الـنسـيان
شـرح لـي والـعبـارة مـنهـا ينزف جرح قلبة
أنـا مـن طـيبة أخلاصـك كـشفـت السر والكتمان
تـرى الإنـسان مـهمـا كان تربة يرجع لتربة
تـرى الانـسان ينساء لي يسخر النسخ بأغصان
تـقبـلت أعـترافـه والـسنـين الـماضيه صعبة
خيانة أتعيش في فكري على كف الوداع أزمان
أنـا مـانـي حـقود ولا أشـمت بـالـشعر حربه
أنـــا أواجـــه الـــواقــع حــقيــقه هــزة الابــدان
يـالـيتـه أعـترف لـي قـبل لا ينبت ألم عشبة
يــالـيتـه مـاقـبلـني فـي حـياتـه عـاشـق" ولـهان
بـديـت بـرحـلت الـنسيان أعاكس كلمة أحبه
وأحـس الـحب فـي قـلبـي يـموت بكامل الوجدان
نهاية لي نفاء من موطنه ويعيش في غربه
نــهايـه بـس فـي أصـعب طـريـق يـفرق الـخلان
