قصيدة البن

يا صوت رايق معْك هالفكْر والكيف
يشْـربْه سمْعي مثـْل من يشـْــرب البن
...
قهْـوتـْـك تعـْــدل ضيـْــقة القلـْــب و تـْـضيف
نشوه بخفـّــاقي إذا هاتفك رن
...
حرفك قصيده مـْــخلده دون تحريف
ديوانها صدري حفظها وممتن
...
لا تنشد الميزان والحب تعريف
من هو الذي يسواك فـ الكون ذا من؟!
...
كـفـّْـتـْـك ترْجح دونما أيّ تكليف
إن كان كوني (من) حبك معي (طن)
...
يـ وّل نزيل ٍ حلّ ع القلب كالضيف
ما حلّ به غيره ولا زاره وْ لن
...
ساكن حماه وْ صار به شيخ ووْليف
شيخ ٍ عطى حبه ولا يتبع بْمن
...
ربي عطاه احساس بقليب ٍ نظيف
ما يسمع الواشي ولا يتبع الظن
...
يا مالك ٍ روحي بلا حرب ٍ وْ سيف
في بعدك حروب ٍ بأشواقي تشن
...
احسب حساب الشوق في قلب ٍ رهيف
باع العقل من سبة غيابك و جن
...
ما يعرف مْكابر ولا يعرف الزيف
ما يعرف يصدّك ولا السن بالسن
...
قلب ٍ فـ بعدك قال للعمر: يا حيف
{يا حيف يا عمر انقضى دونك وعن
...
دنياك}واحيا دنيتي واهْـتني كيف؟!
وانت الهنا وانت العشق ذوق ٍ وْفن
...
يا صوت لا تبطي ويا نسمة الريف
عود الفرح والبهجه فـ غيبتك دن
...
اسكب حنان الصوت لي يعْدل الكيف
من قهْوة احساسك إذا هاتفك رن

مها اليعقوبي