حتى وهو يعشق عماني

صـدري عـلى الجمر.. دفيته      مـن سـافـر إحـساسـه الـحاني
 
وأخـذت طـيفـه .. وضـميته       يـمكـن يـخفـف عـن أحـزانـي
 
وبمعطف " الشوق " كنيته       لــين امــتلــت مــنه وديــانـي
 
أحــيان أحـس إنـي أعـطيـته       أضــعاف مــا قـلبـه أعـطانـي
 
يــفداه كــل شــي ســويــته      لـو مـا عـشانـه .. عـلى شاني
 
كـم لـي وأنـا اقـول : يا ليته       يـدري الـعِشِق ويـن وداني ؟
 
مــرة .. كــثر مــا تــمنــيتـه      يـــشوفـــني كـــيف خـــلّانـــي
 
عــرفــت بــيتــه / ومـريـته       مـن خـوفـي بـترجـف أسناني
 
دقـــيت بـــابـــه ونـــاديـــته       يـا طـير ويـنك عـن أغصاني؟
 
ف غــيابــك الــحزن غـنيـته       وأخـذت مـن صـوتـك ألـحاني
 
صـــاحِبْك كــنك تــناســيتــه       لـك كـم سـنة وانـت تـجفاني؟
 
فـجأة !! وأنا في حضن بيته       إلا وأبـــــوه ايـــــتلــــقّانــــي
 
ســأل عــن إســمي ودلـيتـه      أنــــــا ود فلان الــــــفلانـــــي
 
والــشيــمة إن كــنت دلـيتـه      أرجـــوك لا تـــعلّم أخـــوانــي
 
مــو نــاقــص يــقال حـبيـته       واتــبهــدل ف بــيت حــيانـي
 
يـا عـمي .. سـنيـن مـا ريته      صـــدقــني الــبعــد أضــنانــي
 
هـمس – عـقب مـا تـرجيته      خلاص لا تـــعودهـــا ثـــانـــي
 
لــقّطــت وجــهي ..وخـليـته       لــكن رجــولــي بــتعــصانــي
 
فــي غــرفــته مــولّعٍ لــيتـه       والـــشوق ولّع بـــوجــدانــي
 
وانـا أبـتعـد .. عقب ما جيته       قــبل أطـوي الـحب بـأجـفانـي
 
نــزعــت قــلبـي .. وعـقيـته       خـــابِرْه مــا راح يــنســانــي
 
مــن بــد هــالــناس حــبيـته      كــضت لــه غــير مــا جــانـي
 
أخـيّر لـي أتـرك مـن أغـليته       ولا أقــضي الـعمـر وحـدانـي
 
أنــا رجــل عــارف أمــنيـته       لـــو ألــف حــاجة اتــحدانــي
 
شـف حـاجـز الصمت عديته       مـن قـالـوا : لـسانـي حصاني
 
والــشعــر أنـا مـا تـهجـيتـه       يـنسـاب حـرفـي مـع أوزانـي
 
كــتبــت لــه شـي وأخـفيـته       يـــمكـــن اذا مـــرّ يـــقرانــي
 
أو لــو ســمع يــوم عـديـته      يــدعـيلـي : صـح الله لـسانـي
 
شـاعـر نـزف وسـط أمسيته      مــن كــثر يــجري بــشريـانـي
 
مــاخــذ طــبايـع أهـل بـيتـه       حتى وهو يعشق " عماني "