كبار الشيم

أَبَدْخِلْ عـــرض .. لا إِحْمُ وْ بلا دِسْتــور      وَاخِزِّ بْعــين يَعْجِبْهــا لَا هَبِّ غْبـار !!!
 
يَعَلْمَ الـحاضـر الـغايـب ... وهـاذا الشور      عـلى الراحه .. تبوها يمين والاَّ يْسار

أبــا شــمِّرْ عَ زَنْد ٍ فــوقَه يَمْشِي الــثور      وَانـــا واحِدْ مِنِ كْبـــار الــشِّيَمْ لِكْبــار
 
قَسَمْ بــالــلَّهِ لــو تَرْمِشْ عــيون الــجور      عَلَى حْصـاة ٍ تَدَحْرَجْ فـي سكيك الدار
  
عــليــنَا مْحَرَّمــات ِ صْويــحبـات الـحور      إذا الـروس الـكبـيره ما تصير ِ صْغار
 
 عَرَقْنَا يْنـــبِّت ِ الْأَرْضَ الْخـــرابِ الْبـــور      كـــأَنَّ الَّلـــهْ خَلَقْنَا لــلرجــولَه شْعــار
 
لــجل عــين الــمعــظَّمْ بِنْ سـعيـد ِ نْثـور      قَسَمْ بــالَّلــهْ نَعَمْ لــو بـسِّ بـيده شـار
 
حــرام ِ رْضــاعَةِ الــعِيَّزْ عــليـنَا تْصـور      إذا لِجْبــال مـا صـارت قـصار ِ قْصـار

 عــمانــيه خــلقــنا الــلَّهْ شــرات الـنور      كـــأنّأ الـــجنَّه والـــعالَمْ كـــأنَّه الـــنار

إذا جــانــا أُخــو الــطيــبه نِقِلْ مـشكـور      ونـلعـب بَه الـذي يـلعـبْ فِ عبَّه الْفار
  
وإذا صــار الــتفــاخـر بـالـفلـوسِ نْثـور      لِكــل ٍ كــار وِ احْنــا لــلمــراجــل كـار 
 
وَ لا يــفْرِقْ مــعانَا الــصِّفْر ويــن ِ يْدور      يـــسار الــرَّقْم أو عَ يْمــينَهِ الْأصْفــار
  
حـــكمـــناهــا قَبِلْ مــا يَحْكِمِ الــدِّسْتــور      وَلانــا لــلوطــن مــا تَحْكِمَه الْأسْعــار
  
بِهَا الْعـينُ وْ بِهـاذي الـعيـن .. يـالمعثور      هِنَا عْمـانُ وْ هِنَا قـابـوس ... بِالْإقرار
  
 رحابِ صْدور .. نشميَّهْ .. طُوالِ شْبور      تِبَجِّلـــنَا الــذِّيــابَهْ وَالْأُســودِ تْغــار !! 
 
شــرى الــعقــبان فــوق الـعالـياتِ نْدور      وَ لَا لْنا حَلْ شراتِ الْموت ليلِ نْهار !!
  
مـــطايـــنَا بْســـباقِ الْمَجْد تـــلعــب دور      شـرى مـا قـالُوا خـبَّابَه وْ لِقَتْ محدار
  
نِحِنْ مـــا قِلْنَا جـــينَا نْحــرِّرِ الــمقــهور      وَ لا قِلْنـــا نِحِنْ شَعْبَ الَّلــه ِ الْمُخْتــار
  
نِحِنْ قــالــوا عــليـنا الـناس: ذولَا قْبـور      مَا يِتْسَوّا لـــهم سِبَّهْ صـــغار ِ كْبـــار
 
وِاذَا تْبــاديــنَا فـي مَحْفَلْ تِصـيح ِ نْحـور      هلا والَّلـــهْ هلا والَّلـــهْ هَلَا بْ لِكْبـــار