مشاوير الغياب

غـريبة صمت حارتنا قفل باب الضجيج وراح      وأنـا ظل ٍ يمر ف غيبتك ذكرى على صمتي

وشـاب الليل في ذنب الفراق المهتري بجراح      أحـبك. .واعـتلا صـمت الدخان سالفة وقتي

نـزيـف الـحال مـا يـكفـي سنين ٍ قوتها أرواح      يـغادرنـي الـرحيل ف داخلي برده ولا فقتي

وتنشج الدموع ف هامتي تغسل ذنوب الراح      وارنـوا هالمسا عشبٍ ألفه فمبسمي وكنتي

تـعبـين الـدجى لـقيـا هـلك فـيها الجسد بنواح      وأنـا يـجتـاحـني غـيابك دخانٍ من بعد غبتي

مـسافر والوجع كلما أصره فمحجري ما راح      وأنا ما خانني صبري ولا أجتث البكى كبتي

ارتـبك ف مـشاويري ألم ما ضاق بي وانزاح      يـا أجمل ما بقى فيني وحلمي صار تذكرتي

ونـاوي اسـكن غـيابك ولفك ف الغياب وشاح      يـا ديـرة كـلهـا مـرسى لـحلـم ٍ يشبهك أنتي

تـحاصـرنـي تـفاصـيله مطر في داخلي يجتاح      ويـغسـل كل سما فيني وأنتي يا وجع ثرتي

وجـيلـك مـن بـقايـا مـكفـني ليل ٍ يشق صباح      ورددك ف أغـانـي موطني لو فالضيا همتي

تـطيـرنـي مـشاويـرك فـضا مـا يحتويه جناح      وتـعذرنـي تـفاصـيلك إذا ما أستوعبك تختي