يَ غَايِبْ وَالْقـــصِيــدَ اسْمَى مِنَ انَّهْ يِنْدِفِن فِقْبُور

تـَعَـــال وْعـَلـِّــمَ صْـنـُوفَ الأوَادِمْ فـَلـْسَفـَــة سَاسَـــه 

تـــقُلْ جِيْبَ الــشِّعــرْ وَاقُوْل مَا بَهْ بَاسِمَات شْعُور

تـقُلْ كَيْف الـشّعُوْر اقـول حـزنـه يحكي احساسه 

تـقل كـيف الـقصـايـد فـي غـيابـك حـالـها ميسور

عــلى حــطة يــدك أقلام تــملــي شـوق كـراسـه 

رحـلت وقـد رمـيت الـيأس فـيني من ثلاث شهور

وانــا مــن قــبلــها طــالـبك جـفنـي كـثر نـعاسـه 

إذا مـا هـو عـلى شـانـي عـشان وصـالنا المبتور

لـجل فـصل الـربـيع الـلي فـغيـابـك عـاش فيباسه 

أنــا فــي داخــلي بـستـان يـذبـل لـو جـفاه الـنور

وجـيت انـته قـطعـت الـنور عـنه والـجدب حاسه 

يـشابـه هـالـحزن فـينـي طفل عايش بلا أي شور

بـدا يـكبـر مـع غـيابـك وشـب الـشيـب في راسه 

تـشوف الـيأس فـي عـيني أغطي شوكتك بزهور

لأن الـلي خـلق فـينـي الـوفى مـا قـد خـلق يـاسه 

أمـر بـحسـرتـي يـم الـمكـان الـلي غـدى مـهجور

مـا غـير الـصمـت جـاوبني حسافه هاجروا ناسه 

أجــي كـلي طـموح بـكبـريـاء الـشاعـر الـمغـمور

أجـي حـلمـي الـقلـم ومـحبـتك وسـطور قرطاسه 

كتبت الشعر من نزف الضلوع وكم بكتني سطور

لــجل لــو مــات صـاحـبهـا فـدا لـعيـون مـياسـه 

عـرفـتك يـوم كـنت اسـأل جـنابك للفراق حضور!

جـهلـتك يـوم جـلت ان خنصرك ما يشبه اجناسه 

بـعد مـا صـنت فـي عـينك بضيم التضحيات بحور

ضمى جفني من اسبابك وصاح الدمع ب افلاسه 

فـمان الـعفـو يـا غـالـي مـع انـك مـا قلت مشكور

مـا عـاد الـسهـم لـه قـيمـه مـدامك شلت أقواسه 

فـمان الـبعـد يـا أقـسى حـكايـه عـاشـها عـصفور

بـنى عـشه مـن احلامـك وطـاح الفاس في راسه