سالفـــة  غيـــــّاب
 
الله لــنا مــادامــك انــتي والــهمــوم أقــراب      وش يـطلع بيدّي وانا مصلوب في عينك ؟

لــو كــان لـي حـيلـه وادوّج خـطوتـي لـلبـاب      مـاشـفتـني بـين الـحنـايـا نـاثـرٍ طـينك !!

شوفي كثير اللي بقوا لي وغاب ذا اللي غاب      بـس قـولـي انـتي ويـنهـم من قلبي وّينك!

أحــنّ لــك عــين الــسجــين لـطلّة الأصـحاب      واشـتاق لـك كـثر انـحنـاء الـورد لـيمينك

وانـتي عـرفـتيـه انـكسـاري دون ذكر اسباب      طـوّعـت لك طير الحشا رفرف على يدينك

مـاهـمنـي عـمق الـوجـع فـي شـهقة الأحداب      ولاحـدّنـي عـنْك الـشتـا والقحط ف سنينك

كـــذاب لاقـــلت أكــرِهــك كــذاب ثــمْ كــذاب      لـكن تـصنّعـت الـجفـا لـجل أخـضع جْبينك

مــريــتهــا كــل الــشوارع (ســالـفة غـيّاب)      حـتى الغصن قام اشتكى من عجرفة تينك

إنــتي هــنا مــثل الــحطــب مـارقّ لـلحـطّاب      وانـتي هـناك الـفاس قـطّع بـينـي وبـينـك

:(الـصبر زين!) ولي متى دونك تطيح رْقاب؟      نـبضـي ودمـي يـالـغلا هـالـروح مـعطينك

ودامــك غـديـتي والـهمـوم الـمثـخنـه أقـراب      وش يطلع بيدّي وانا مصلوب في عينك؟!