سمـــا العـــــزّ
إذا عـاش الـحريـر/ الـعمـر فـي منّة تراب وقزّ
أعــيش بــعزتــي لامـن رقـيت بـرفـعة أخلاقـي
أنـا مـاجـيت أشـخبـطهـا طلاسـم مـاتُفـكّ ولغز
ولاتـاجـر تـعبـت أرقـب مؤشـر أسـهم أسـواقي
أنـا شـاعـر ولـي صـيتٍ لكز وجه العواذل لكْز
واذا دارت رحى حـرفـي . . تجنّب نفخة أبواقي
أمـوت بـعفّة أشـيائي ولا انـكس هـامتي للخبز
رغــيفٍ مـالـفى بـقسـمه . . مـعاذ الله مـاتلاقـي
سـوى نـعشٍ يـشرّفـني ولا كـفٍّ الـزمـن يـبتزّ
واقـل للروح لك أهون ضريح ف لحظة اخفاقي
ضـويـتك تـسع نـجمـاتٍ أعـلّقها ف سمايه عزّ
حـروفـك يـا بلادٍ جـتْ خـضار الـعشـب باوراقي
وجـيتـك كـل نـبضٍ لاذكـرتـك مـن عـروقي فزّ
وشـفتـك ديـمةٍ تـمطـر ويـنبـت مـجد بـاحـداقي
هـنا طـاول شـموخـي لـين مـا لـزّ الـسحابه لزّ
وأقـسمـت بـغلاتـك لـه ( عـمان ) عهود ميثاقي
تـبخـتر يـاوطـن وإنته بكفوفك شلت أغلى كنز
وأنـا قبل أبحر ف موجك أبي استحضر أطواقي
لأنّ أدريــها أعــماقــك أبـد مـايـنتـهيـها غـرز
مـداه أكـبر كـثيـر أكبر من انها تحتوي أعماقي
لـو انّ الـطيـن يـتبـاهى بـقمـح السنبله والأرز
أنا أتباهى ب ( قابوس ٍ ) غدا ف الكون ترياقي
رفــاقــي كــلمّا يـرقى عـلى مـتن الـثريـا رمـز
سـرَواْ لـلرمـز فـي ليل اهتدواْ من طلعته رْفاقي
تــعال نـصفّي الـدنـيا ونـفرز هـالـخلايـق فـرز
تــعال نــعلّم الــنخــله عــن الــورّاد والــساقـي
تـعال وكـل ابونا سيف في نحر الخسيس ارتز
تــذود أرواحــنا تــبرٍ / نــشيّع هــقوة الــهاقـي
وطن ( الله أكبر ) في نحور أهلي تهادى حرز
لـواء الـركـب فـي صـدر الـفلـول ومـدة آفـاقـي
يـذَُّل إرهـابـهم مـامسّ في هذا الجبين أو / هزّ
بـروس أطـفالـنا شـعره/ فلا تـسمـع لـهم بـاقـي
طـبيـعي / تـنخـر السوسه بجذع اليابسه وتنزّ
وانـا عـودي رطـب صـامد بوجهٍ يزعم إحراقي
يـقولـون فْ مـصر لازم يـجي عـوّام إبن الوزّ
وانـا ابـن الـسبـع لـيثٍ مـاحسبها خشية إملاقي
أنـا طـبعـي كـريـم ولاانتخيت أهل اللغو واللمز
نــخيــت رجـال مـاجـاعـت عـيال وفـلّت نـياقـي
نـعم (قـابـوس) كـل حيٍّ على هذا التراب اعتزّ
لأنـك مـن نـسل بـيت الـكرام وعـصمة وْ ثـاقـي
أفـاخـر ؟ كيف ما فاخر! وانتي في سماي العزّ
لـمحـتك يـا ( عمان ) وسال ماي الغيم باوراقي
