يــا قــصيــدة فـي حـياتـي أولـه مـاهْي أخـيره
وش بــقول الا وجــودك اثــمر الــورد بــحيـاتـي
راس راشـد صـار كـله أسئلة صـعبـه.. كـثيره
مــاســهرت بــليــل إلا صــايــر بــحالــي احـاتـي
كــلْ يـوم الـحال يـتبـع للاسـف نـفس الـوتـيره
هي قريبه؟ هي بعيده؟ وش يروّح؟ وشهو آتي؟
يـعنـي تـطلـع بـالـنهـايـه مـسألـه جـداً خـطيره
مــاعـرفـها غـير واحـد عـايـش الـقصـه شـراتـي
اصرف النظره واقول اللي لبسني بس (غِيره)
مــاوقــف هــالــحب الا والــسبـب رز اْحـطبـاتـي
يـعنـي لـو أسـحب فوادي دون ما آنا أستشيره
بـكره يـتعـوّد عـبعـدك والـسبـب مـعروف...ذاتي
مـابـيبـقى غـير ذكـرى عـالـقه تـصبـح صغيره
أنــا بــطرح مـن غلاتـك لـين تـفضى مـن غلاتـي
بـس مـدري وش بلانـي أتـبع الـدرب الضريره
فــيك امــشي واتــعثــر والـسبـب اصلاً حـصاتـي
والـدروب الـلي بـدونـك تـوصـل لـميـون ديره
وانـتي ادرى فـي دروبـك تـرفـع الـكيـل فـسبـاتي
فـالـنهـايـه لـو اصـارح اعـرف الـنفس الغريره
مــابــتتــبع غــير طـيفـك ..تـكفـر فـباقـي هـباتـي
يـاقـصيـده فـي حـياتـي اولـه ..يـمكـن اخيره !
هـو صـحيـح انـه بـبعـدك تـبتدي قصة مماتي؟؟.
