يـا نـاسية كل الحنين .. وكل عشق المحتري

أنـطر عـلى نـفس الـمكـان الـلي جـمعـنا طـارقـه

كـم لـيلةٍ أسـلى واجـادل في عذابي و اِقْدري

واجمع وهم نفس الخطاويْ اللي مضت متفارقه

لـين الـظلام الـلي وهـبتـي في عيوني يعتري

ومـاشـوف غـير انـك عـذاب وفي حياتي سارقه

وارجـع أتمتم( يا عيوني هذا ليلك واصبري)

لـيل الـظلام أبـرك عـليـك و ل الـدروب الـحارقـه

يـا نـاسـيه هـذي يـديـني لـو عـجزتي تعبري

نـفس الـيديـن الـلي سَقَتْك أحـساس مـزنه بارقه

بـكتب على نفس الخطوط اللي حواها دفتري

"إن الـعشـق يـبلى ..يموت من القلوب المارقه"

"إن العشق لاعاش يكبر لو حبيبك مشتري"

"وان الـزهـر يـهدي عبيره فالغصون الوارقه "

لا تـقربـي هـذي الـظلام الـلي بـربيعي يفتري

نــور الــفجــر قـرّب يـعود ولـه أمـانـي شـارقـه