ما طلبتك شيء وعلميني
ما طلبتك شي
لأجلي وعلميني
كيف يصبح عشقي الوافي جريمة؟!!
وأنتي بلسم في جروحي
الحاضرة العذراء القديمة
علميني كيف أقرا في عيونك
شي من سوالف هالمدينة
وعلميني ..
قبل لا تنام الشمس بعيون يدي
قبل لا تصحى جروح الطين فيني
كيف أرفض هالحصار ..
كيف أقبل هالقرار
بعدما صرتين أنتي
في عيوني كل عيوني
ومهجتي وسلة شؤوني
ما طلبتكِ شي
لا جلي وعلميني
كيف صار السندباد
يسافر لعينك
وكيف شاخ العمر في نزوة سنينك
وكيف أنا لك شخص ثاني
صرت من عقب الحوار
جاحد ... أناني
في عيونك
لا أكون ولا تكوني
علميني بالسكاتْ
حتى أقراك بحقيقة
بس تجي مليون أنثى
في تواريخي الجديدة
علميني وكيف أكتب
بعدك أشياء النهار
وأنا تملأني عيونك
ضحكة مملؤه انكسار
علميني ..وعلميني ..وعلميني
عن سوالف هالصغار
وكيف صاروا
بعد ما سافر حضورك من حضوري
تضيق فيني شيطنة همي وغروري
وما طلبتك شيء
لأجلي وعلميني
كيف يصبح قلبي الدافئ جريمة؟!!
|
